Spanja kaloi mes shumë polemikash në gjysmëfinale të Euro 2024, teksa mposhti Gjermaninë me rezultatin 2-1. Në minutat shtesë, para se të pësonin golin e dytë, gjermanët pretenduan për një penallti pas një prekje të topit me dorë nga ana e Cucurrellas.
Megjithatë, për habi të të gjithëve, arbitri Anthony Taylor vijoi ndeshjen dhe nuk akordoi 1-metërsh. Një vendim që çmendi “panzerat”, aq më tepër që përfunduan të eliminuar.
Tashmë, një grup tifozësh të Gjermanisë kanë nisur një peticion për të mbledhur firma teksa kërkojnë që ndeshja mes Spanjës dhe Gjermanisë të riluhet. Gjithashtu, grupi i tifozëve kërkon edhe që arbitri Anthony Taylor të mos jetë më pjesë e listës së arbitrave që përfaqësojnë UEFA-n
UEFA ka shpjeguar vendimin e diskutueshëm që çoi deri tek krijimi i peticionit që një ndeshje e Euro 2024 të riluhet. Perballja mes Gjermanisë dhe Spanjës përfundoi me shumë polemika teksa ekipi i Luis De La Fuentes avancoi në raundin tjetër. Dani Olmo hapi serinë e golave pas pushimit mes pjesëve para se Florian Wirtz të shënonte në minutat e fundit për ta çuar ndeshjen në shtesë.
Mikel Merino ishte heroi i i Spanjës me golin që shënoi në minutën e 120-të për t’ia siguruar kalimin ‘Furisë së Kuqe’ në gjysmëfinale të Euro 2024. Por para se Merino të shënonte golin, gjermanët menduan se duhej të kishin marrë një penallti kur gjuajtja e Jamal Musialas goditi dorën e Marc Cucurellas, duke bërë që të ‘shpërthejnë’ polemikat.
Vendimi i gjyqtarit kryesor të ndeshjes Anthony Taylor u mbështet nga Stuart Atwell, i cili kishte rolin e gjyqtarit kryesor në VAR. Organi drejtues i futbollit evropian, ka shpjeguar tani vendimin se pse nuk u akordua penallti. Sipas Roberto Rosettit, shefit të gjyqtarëve të UEFA-s, ka një shpjegim për këtë.
“Jo çdo prekje me dorë apo krahë është një penallti. Ne duam të konsiderojmë lëvizjen e lojtarëve. Lëvizjet biomekanike. Ju e dini, kjo është një situatë e qartë. Ai rast nuk ishte asnjëherë një penallti”, ka thënë Rosetti.
Spanja kështu tani do të luajë në gjysmëfinale të Euro 2024 ndaj Francës, ndërsa fituesi do të luajë në finalen e madhe me fituesin e ndeshjes tjetër Angli-Holandë.
