Nepotizmi duket se është “gangrena” që ka pushtuar Ministrinë e Jashtme. Në vitin 2012, Partia Socialiste akuzoi ashpër Partinë Demokratike në pushtet për emërimet nepotike në diplomaci. Dhe me të drejtë, kushërinj, dhëndurë, motra, apo edhe dashnore pushtetarësh ishin në ambasada. Por çfarë ndodhi me kalimin e viteve? Duket se të gjitha qeveritë janë njëlloj. Pavarësisht deklaratës për reformimin e diplomacisë, ajo ka marrë “fytyrën” e Edi Ramës dhe “lakenjve” të tij që kanë drejtuar e drejtojnë Ministrinë e Jashtme, fasadë, lustër që shkëlqen vetëm tek kostumet e shtrenjta apo minifundet e diplomateve të reja, por blozë nga brenda.
Gazeta “SOT” po sjell sot në vëmendje të publikut se si Rama e ktheu diplomacinë në vend “qokash”, ku shumica e ambasadorëve janë zyrtarë të lartë të PS apo ish-deputetë socialistë, miq të kryeministrit dhe personazhe të lidhur me median.
Detajet
Konkretisht Majlinda Frangaj është emëruara pak kohë më parë ambasadore e Jashtëzakonshëm dhe Fuqiplotë i Republikës së Shqipërisë në Selinë e Shenjtë në Vatikan, rezident. Zonja Majlinda Frangaj është motra e Aleksandër Frangajt, biznesmen dhe pronar i Klan, sot pranë Ramës, dikur pranë Berishës.
Po ashtu pak kohë më parë është Fatmir Velaj është emëruar ambasador i Jashtëzakonshëm dhe Fuqiplotë i Republikës së Shqipërisë në Republikën e Austrisë, rezident. Zoti Velaj ka qenë deputet i Partisë Socialiste.
Po ashtu, një tjetër qokë e Ramës është emërimi i Ilir Gjonit si Ambasador i Jashtëzakonshëm dhe Fuqiplotë i Republikës së Shqipërisë në NATO, rezident. Edhe zoti Gjoni ka qenë deputet i PS. Ndërkohë që tjetër njeri i kryeministrit Edi Rama është Vasilika Hysi, e cila është emëruar ambasadore e Jashtëzakonshëm dhe Fuqiplotë i Republikës së Shqipërisë në Misionin e Përhershëm të Republikës së Shqipërisë, pranë Zyrës së Kombeve të Bashkuara dhe Organizatave të Tjera Ndërkombëtare në Gjenevë, rezident. Zonja Hysi ka qenë deputete e PS dhe nënkryetare e Kuvendit.
Nga ana tjetër, një tjetër qokë e Ramës është edhe emërimi i Mustafa Nano si Ambasador i Jashtëzakonshëm dhe Fuqiplotë i Republikës së Shqipërisë në Konfederatën e Zvicrës, rezident, dhe Ambasador i Jashtëzakonshëm dhe Fuqiplotë i Republikës së Shqipërisë në Principatën e Lihtenshteinit, jorezident. Kujtojmë se zoti Nano ka një kontribut të madh në median shqiptare.
Mesazhi
Ndërkaq një aktor i njohur dhe një drejtues i shërbimit sekret, ndodhen në listën e emrave të rinj, të cilët qeveria i propozoi pak muaj më parë për ambasadorë të Shqipërisë. Petrit Malaj, i cili ka nisur herët një karrierë politike pranë Edi Ramës, pasi nuk e çoi dot rrugën për të hyrë në Parlament si deputet i Tropojës, ka marrë besimin e kryeministrit për të qenë ambasadori ynë në Kosovë.
Në listën e ambasadorëve të rinj, bie në sy edhe Oljan Kanushi. Ish-këshilltar i Ramës, që ka qenë numri dy i shërbimit informativ shtetëror. Ai është emëruar në Slloveni. Mirëpo nuk ndalet me kaq, pasi mes të përkëdhelurve nga kryeministri Edi Rama janë edhe ish-deputetët e Partisë Socialiste Ervin Bushati dhe Artemis Malo. Zoti Bushati është emëruar si ambasador i Shqipërisë në Shtetet e Bashkuara të Amerikës, por që i njëjti do të jetë ambasador jorezident në Shtetet e Bashkuara të Meksikës, Republikën e Panamasë, Republikën Dominikane, Republikën e Guatemalës dhe në Republikën e Kosta Rikës. Ndërsa zonja Malo është emërua ambasadore e Shqipërisë në Kanada.
Një qoke e rëndësishme për familjen e Ish deputetit të PS Luan Hajdarag; Vajza e tij Luela Hajdaraga emrohet menjëherë pas vdekjes së të atit Ambasadore në greqi pa asnjë klasë shkollë për diplomaci dhe pa një orë pune në këtë fushë. Po asht menjëherë pas vdekjes së Bashkim Finos vajza e tij Megi Fino emërohet zv, ministre e jashtëme… dhe rrjeshti i qokave nuk ka fund
Këto janë një pjesë e vogël shkeljeve dhe skandaleve të rënda që vetëm në Shqipëri mund të kalojnë në heshtje, ndërkohë konflikti interesit është i fortë dhe i dukshëm. E megjithatë kjo tregon se PS dhe PD janë e njëjta gjë, një e keqe ndarë më dysh. Gjithë ata studentë që lodhen dhe familjet e tyre sakrifikojnë të shkollohen, në fund do të jenë shërbëtorë të disa familjeve të korruptuara. Kjo është Shqipëria që i shtyn të rinjtë të ikin. Faktet flasin vetë.
