Muli ka njoftuar se të mërkurë PD do bëjë protestë para SPAK në orën 12:00, duke shoqëruar kryetarin e PD Sali Berisha, i cili do hyjë brenda në SPAK.
Me qëllim që protesta të ketë përbërje cilësore, Muli vendosi bashkë me Lelon të vendosin disa stimuj për pjesëmarrje në protestë nga drejtuesit e PD.
-Fillimisht mendoj se në krye duhet të jenë anëtarët e kryesisë dhe të grupit parlamentar, tha Muli.
-Gazi ka thënë që unë nuk protestoi kundër SPAK, tha Lelo.
Si do t’ia bëjmë?
-Tani ai zotëria ka ngritur dorën për dy objektivat e PD.
Ato janë lirimi i Doktorit dhe përgatitjet për zgjedhje.
Nuk mund të arrijmë objektivin e dytë pa arritur të parin.
-Atëherë të themi që të mërkurë është beteja finale për objektivin e parë.
Kush i shmanget kësaj beteje, i është shmangur dhe betejës së dytë, tha Lelo.
-Po, e drejtë. Kështu duhet ta vëmë kriterin.
Kush mungon të mërkurë s’do jetë as në listë, tha Muli.
-Duhet të vëmë dhe stimuj më kapilarë, tha Lelo.
-Çdo të thotë kapilarë, tha Muli?
-D.m.th për ata që vijnë të ketë dallime për secilin.
Vëmë dikë t’i regjistrojë të shikojmë kush hedh parulla kundër SPAK, kush hedh gurë, kush hedh molotov dhe kush nuk hap gojën.
Dhe këtu duhet një nënndarje.
-Po, dhe kjo shumë mire, tha Muli.
Duhet të bëjmë kujdes se Genc Pollon e kam parë shumë të egërsuar mos na hidhet mbi xhamat e SPAK.
-Na duhet të shikojmë pastaj dhe kush do të qëndrojë deri në orën 2 aty për të pritur Jamarbërin.
Dhe kjo ka rëndësi. Dhe këto duhet t’ua mbajmë shënim.
-Çdo gjë, tha Muli. Çdo gjë të shënohet.
Është objektivi i parë dhe më i rëndësishëm i PD, i propozuar dhe nga Tritani.
Sot më tha s’do vë gjumë në sy më, sa të lirohet Doktori.
