Për fatin e shqiptarëve, drejtësia vonon por nuk do të harrojë për rastin e Ilir Metës si dhe për “peshqit e mëdhenj” të politikës shqiptare në përgjithësi
Ilir Meta po bën çfarë është e mundur për të shpëtuar nga burgu, duke tentuar me të gjitha mënyrat që të bllokojë hetimin e dosjeve të rënda që janë në ngarkim të tij.
Madje dhe vendimi i fundit i gjykatës në Shqipëri, zgjidhi jo në favorin e Metës përplasjen mafioze mes tij dhe Tom Doshit, që për pak kishte degjeneruar në vrasje me pagesë.
Ilir Meta tentoi që përmes lëvizjeve të tij politike të ‘joshë’ sëpaku ndërkombëtarët, duke filluar me përfaqësuesit e SHBA në Shqipëri. Pasi organet ligjzbatuese në SHBA vijojnë të kenë të njejtin qëndrim ndaj Ilir Metës dhe abuzimeve të tij.
Tashmë që FBI dhe DEA amerikane janë të instaluara ‘non stop’ në rajon, kanë në mbikqyrje dhe Shqipërinë, rruga e Metës për t’u paraqitur tek DEA amerikane në SHBA është shkurtuar.
Duke qënë se shkonte njëherë në gjashtë muaj në Uashington si “detyrim paraqitjeje” te DEA amerikane e antidrogës, tani viziton selinë rajonale të DEA-s në Athinë dhe e mbyll paraqitjen.
Dhe teksa kërceu dhe këndoi “Baftjarin” me ambasadorin amerikan në largim Donald Lu në prezencë dhe të krerëve të opozitës, u duk sikur Ilir Meta ia ‘hodhi’ dhe doli nga mbikqyrja e organeve ligjzbatuese amerikane.
Madje duke parë dhe zvarritjet në ngritjen e Këshillit të Lartë të Gjyqësorit dhe Këshillit të Lartë të Prokurorisë, dhe mbi të gjitha të SPAK-ut, për shkak se shumica e ekspertëve të drejtësisë mbetën në “rrjetën” e Vettingut, u krijua perceptimi se Ilir Meta i shpëtoi burgut.
Madje dhe qytetarët shqiptarë e humbën besimin që njëri ndër “peshqit e mëdhenj” të abuzimit dhe të krimit në Shqipëri nga radhët e politikës, Ilir Meta, ia hodhi.
Por deklarata e fundit e ambasadorit amerikan Donald Lu se bosi i krimit Klemend Balili kishte dhe vazhdon të ketë lidhje politike, duke nënkuptuar LSI dhe Ilir Metën, tregoi se SHBA vijon të mbetet shpëtimtari i Shqipërisë dhe armiku i “peshqve të mëdhenj” që i do në burg.
Madje burimet diplomatike saktësojnë që Ilir Meta vijon të mbetet në “toplistën” e FBI, shërbimeve sekrete dhe organeve ligjzbatuese amerikane, si njeriu që duhet të paguajë para drejtësisë për krimet, abuzimet dhe trafiqet që ka bërë.
Thjeshtë është çështje kohe dërgimi i Ilir Metës për të dhënë llogari para drejtësisë.
Vonesë kjo që ka ardhur për shkak të zvarritjes së ngritjes së organeve të drejtësisë së re, kryesisht SPAK por dhe dobësisë së Kryeprokurores Arta Marku.
Pikërisht këto faktorë kanë qënë ata që i kanë lënë dosjet e Metës pa i gjykuar dhe pa e dërguar ish kreun e LSI në burg.
Njëherësh po këto burime diplomatike bëjnë të ditur se të gjitha provat dhe faktet që implikojnë Ilir Metën dhe që organet ligjzbatuese partnere disponojnë, kanë ardhur dhe janë në tavolinën e Arta Markut.
Madje dhe rezultati i hetimit paraprak për lobimin e Metës në SHBA me para ruse, tashmë gjendet në tavolinën e Kryeprokurores së përkohëshme.
Me sa duket të gjitha këto dokumente dhe prova që akuzojnë Ilir Metën për përfshirje në abuzime, krime dhe trafiqe janë gati dhe presin ngritjen e SPAK dhe të Byrosë Kombëtare të Hetimit që të marrin vulën përfundimtare.
Për fatin e shqiptarëve, drejtësia vonon por nuk do të harrojë për rastin e Ilir Metës si dhe për “peshqit e mëdhenj” të politikës shqiptare në përgjithësi./Pamfleti
