Në një intervistë për Bloomberg, kryeministri Albin Kurti flet për kritikat që ndërkombëtarët kanë lëshuar kundër tij, për veprimet e ndërmarra në veri. Sipas shefit të ekzekutivit kritikat kanë qenë të ekzagjeruara, ashtu si edhe shqetësimet e ndërkombëtarëve,
“Ata janë shumë të shqetësuar. Sa herë që ne marrim masa dëgjohen zëra alarmante për një përshkallëzim të mundshëm. Por ja ku jemi. Kosova është më mirë se kurrë më par”, thotë kreu i qeverisë së Kosovës.
Ai shton më tej se veprimet e Prishtinës janë të nevojshme për vendosjen e rendit dhe ligjit në veri dhe për integrimin e plotë të serbëve në sistemin ligjor dhe financiar të Kosovës.
“Përshtypja ime është se pikërisht për faktin sene jemi të suksesshëm, Beogradi është më nervoz dhe për këtë arsye më agresiv”, thekson Kurti.
Sipas Kurtit, ndikimi i Aleksandër Vuçiç në veri, i përket së shkuarës.
“Vuçiç dështoi dhe tani ai kërkon që ne të paguajmë për dështimin e tij”, vijon më tej shefi i ekzekutivit të Kosovës. Më herët në një intervistë për Associated Press, Kurti paralajmëroi se fitorja e Rusisë në Ukrainë do të inkurajonte zgjerimin serb në Ballkan, dhe do të përmbyste 25 vitet e paqes dhe lirisë në rajon.
Por Vuçiç nu përton t’i përgjigjet
Albin Kurti ëndërron të jetë Zelenski i ri. Kështu i është përgjigjur presidenti Aleksandër Vuçiç deklaratës së kryeministrit të Kosovës, se nëse Rusia humbet, do të nisë zgjerimi i Serbisë në Ballkan.
“Kurti ëndërron të veshë uniformë dhe mendon se mund të jetë Zelenski i ri. Kjo është ëndrra e jetës së tij. Por qëllimi im është të ndërtojë austrostrada, korridore, qendra turistike dhe të çoj përpara Serbinë”, deklaroi Vuçiç.
Kreu i shtetit shtetit serb, paralajmëroi takime të rëndësishme me kancelarin Olaf Sholc në Gjermani, më 7 dhe 14 tetor, si dhe pas 15 ose 20 ditësh në Bruksel, ku do të takohet me presidentin e Francës, Macron.
