Që protesta e ditës së hënë të motivojë dhe më shumë demokratët Muli mendoi të ndajë disa stimuj për ata që do jenë më të suksesshëm në aksion.
Duke diskutuar me Lelon për mënyrën se si t’i motivojnë demokratët që protesta të vazhdojë, Muli bëri disa propozime.
-Mendoj që stimuli i parë do të jetë për ata që sjellin më shumë nga rrethet, tha Muli. Në mbrëmje do shpallim fituesin si Taborrxhiu i Revolucionit
Fjala vjen nëse i sjell Vlora, Leskaj shpallet taborraxhiu më i madh. Nëse i sjell Shkodra, shpallet Luçiano.
-Kjo mund të na hapë probleme tha Lelo, pasi duket sikur në Tiranë s’na mbështet njeri.
-Tiranën do ta përjashtojmë nga gara, tha Muli. Quhet që ajo ka shumicën. Duhet të stimulojmë këta të rretheve.
-Vështirë është t’i numërojmë tha Lelo, por mendoj që të shpallim Elbasanin si rrethi që sjell më shumë, me qëllim që t’i japim Salianjit titullin nga burgu si “taborrxhiu i revolucionit”. Kështu nuk mërziten këta të tjerët.
-Shumë mirë tha Muli. Kështu e bëjmë.
Mendoj që një tjetër formë duhet të jetë “Miss revolucioni”. Të shpallim gruan më të bukur në protestë.
-E shumë mirë tha Lelo, se ma ka kërkuar dhe zonja Karo këtë, që do të afirmohet në këtë protestë që të bëhet depuete. Ja japim asaj se nuk i ngelet qejfi. Madje i shtojmë dhe motivacionin për afëtsinë e saj në parahsikimin e motit që na e shtyu protestën më 7 Shtator. Kështu mbulojmë dhe faktin që është përvjetori i sulmit Hamasit në Izrael.
-Një tjetër stimul mendoj të jetë guerili i revolucionit. Këtë duhet t’ia japim protestuesit që do hedhë më shumë molotov ose që do rrihet duke bllokuar dyer. Për këtë mendojë t’ia japim dikujt që nuk është në kryesi. Strazua më duket i përshtatshëm se kështu mund ta rikthejmë fuqishëm. Është dita e tij.
-Dakord jam tha Lelo.
Duhet të gjejmë dhe një gjë për këtë çunin e Faros, se është mërzitur që se kemi vënë drejtues politik. Me këtë rast e stimulojmë dhe e rehabilitojmë.
-Patjetër tha Muli. Të vendosim stimul për të arrestuarin e revolucionit. Ai ka përvojë nga arrestimi në protesta. Ta nxjerrim në krye që ta arrestojnë qysh në fillim dhe e shpallim fitues. Pas kësaj hyn në listë.
-E shumë mirë tha Lelo. Tani dhe një stimul për Gjin Gjonin desha, se është i mërzitur që i ka zënë vendin ai Gjekmarkaj.
-Patjetër tha Muli. Vendosim një stimul për sponsorizuesin e revolucionit. Nëse ai mbulon shpenzimet e Lezhës Shkodrës Kukësit dhe Mirditës e shpallim sponsor të revolucionit dhe hynë automatikisht në listë.
Me këtë rast i investon dhe paret e fituara në mënyrë dinjitoze.
-Me siguri që do kënaqet tha Lelo. Kështu kompletojmë një ekip të mirë për të ardhmen pasi do themi që çmimet do shpallen çdo muaj. Dhe ata duhet të qëndrojnë në garë. Kështu sigurojmë vazhdimësinë e revolucionit.
