Janë publikuar pamjet kur dy vëllezër shqiptarë, Enis dhe Aleksandër Loka kanë vrarë me thikë kushëririn e tyre, Denis Loka 28 vjeç.
Gjithçka ka ndodhur rreth orës 22:50 të mbrëmjes së të hënës (7 tetor), kur efektivët e Policisë Rrugore gjetën të përgjakur në tokë të riun shqiptar. I plagosuri, 28 vjeç, u dërgua me ambulancë në spitalin Evangelismos ku ndërroi jetë pak kohë më vonë.
Një videon e kamerave të sigurisë është kapur momenti i sherrit të përgjakshëm mes 28-vjeçarit dhe dy vëllezërve 17 dhe 19 vjeç.
Fillimisht policia nisi kërkimet për kapjen e autorëve, por pas rreth dy orësh dy vëllezërit janë dorëzuar në polici, ku njëri prej tyre, 17-vjeçari ka marrë përsipër autorësinë e krimit. Siç pretendojnë dy vëllezërit, 28-vjeçari ka abuzuar, por nuk dihen ende detaje në lidhje me abuzimin.
