Bisedat në të cilat përmendej nga bosë të krimit emri i Gazment Bardhit, janë të manipuluara, tha zyrtarisht SPAK në një njoftim, duke sqaruar se nuk rrjedhin nga zbardhje që hetuesit i kanë bërë mesazheve nëpërmjet aplikacionit të koduar, Sky ECC.
Në një reagim publik SPAK thotë se është vënë në dijeni se mesazhe të tilla i kanë shkuar disa politikanëve dhe figurave publike gjatë ditëve të fundit, përmes aplikacionit të koduar Signal, aty ku i mbërriti edhe kreut të PD-së Gazment Bardhi. SPAK thotë se ka nisur verifikimet për të identifikuar burimet e këtyre mesazheve me qëllim ndjekjen penale të autorëve.
“Në përgjigje të interesimit të shtuar të mediave informojmë publikun se Prokuroria e Posaçme kundër Korrupsionit dhe Krimit të Organizuar është vënë në dijeni për disa mesazhe që i kanë mbërritur politikanëve dhe figurave publike gjatë ditëve të fundit përmes aplikacionit të koduar të komunikimit, Signal.
Nga verifikimet e deritanishme të Prokurorisë së Posaçme, mesazhet e pretenduara se rrjedhin nga transkripte bisedash të kryera nëpërmjet SKY/ECC janë manipuluar duke sajuar biseda të pavërteta për individë dhe veprime të kundërligjshme.
Prokuroria e Posaçme, po monitoron nga afër këtë situatë dhe ka nisur verifikimet për të identifikuar burimet e këtyre mesazheve me qëllim ndjekjen penale të autorëve. I bëjmë thirrje të gjithë qytetarëve dhe aktorëve publikë të tregojnë kujdes kur ndërveprojnë me mesazhe të kësaj natyre, si dhe të shmangin shpërndarjen e materialeve të paverifikuara”, njoftoi sot SPAK.
Por a është e vërtetë apo një gënjeshtër e trashë e SPAK, që nuk dihet kujt i shërben. Në një arsyetim të thjeshtë SPAK po gënjen sepse nuk ka asnjë mundësi të verifikoj bisedat telefonike të bërë midis Martinajt dhe shokut të tij, sepse nuk disponon asnjërën nga celularët e tyre. Ndërsa telefoni i dorëzuar nga Bardhi është thjeshtë nje alibi e rëndomtë, sepse në asnjë vend nuk ekzistojnë biseda mes Bardhit dhe mikut të Martinajt Erigers Mihasi.
Bardhi nuk është aq budalla sa të komunikoj direkt dhe bisedat ku je ku jam janë pa interes përgjimi, ndaj dikush tjeter ka komunikuar.
Në fund SPAKU nuk disponon teknologji për të verifikuar biseda imagjinare që të bëjnë të dyshosh se Dumanët janë kthyer në një grup i frikshëm anti ligji duke përdorur prona dhe fakte inekzistent për të goditur punonjësit e administratës dhe shtetit dhe duke mashtruar dhe liruar nga akuza çdo bandit që ka lidhje me klanin Berisha, duke filluar nga dhëndrri i tij i cili i vetmi person nënakuzë nga SPAK që bënë turizëm në shtëpi, megjithse akuzohet për miliona euro korrupsion, apo të akuzuar të tjerë si Meta , Moni, Noka, Baçi, Mziu që SPAk ua ka mbyllur letrat në sirtarë për të pritur radhën.
Në mesazhet për të cilat Bardhi kërkoi ndërhyrjen e SPAK duke thënë se i janë dërguar për shantazh, pretendohej se Ervis Martinaj kishte porositur Erigers Mihasin, i vrarë në Tiranë në nëntor 2021, t’i jepte 100 mijë euro Bardhit me porosi të Shkëlzen Berishës.
Bisedat i kanë mbërritur Bardhit në Signal, për të cilat SPAK thotë se janë të manipuluara, por një arsye më shumë për të dyshuar ndaj Bardhit është se përse ky Bardhi na flitka me aplikacionin Sinjal?
Kodi i Sky ECC që pretendohet i Ervis Martinaj – NP8LS4
Shkon dot deri te zyra të marrësh 100 mijë euro. T’i çoje deri te M**** (emër hoteli në Tiranë) t’ia jepje Gaz Bardhit. Bëji telefon në Signal kur të jesh aty, që të ulet t’i marrë.
Kodi në SKYECC që pretendohet i Erigers Mihasit – TI8I2F –
Po pse po ju jep kaq shumë se këta nuk do vijnë kurrë në pushtet
Kodi në SKYECC që pretendohet i Ervis Martinaj – NP8LS4
Po çfarë t’i bëj Zenit se për këtë s’po e rruaj k****. Fola me të (me Bardhin nënkuptohet) i do për fushatë. I thashë edhe për grupin e shoqërimit që e paguaj unë.
Kodi në SKYECC që pretendohet i Erigers Mihasit – TI8I2F
Ja dhashë, të fala bëri. Ishte optimist për fitore
