Kërcënimi i Kol Ballës ndaj Gaz Bardhit ka rritur shumë shpresat e Mulit.
Tani më në fund kanë një armik konkret dhe një njeri të rrezikuar.
-Ishim shumë keq, i tha Lelos.
As na kërcënonte njeri, as në e varte njeri.
Më në fund e kemi një armik.
Kol Ballën nuk e quajmë por do t’ia caktojmë Ramës.
Së paku kemi një njeri të rrezikuar vërtet.
Doktori ishte shumë entuziast.
-E kuptoj, tha Lelo.
Tani të paktën kemi një motiv të protestojmë po i ndodhi gjë Gazit.
-Tani e rregullon Doktori atë punë, tha Muli.
-Kemi dhe këtë Albanën që e ka kërcënuar Ndreca, tha Lelo.
-Jo jo, i kemi heronjtë burra, tha Muli.
Nuk mund të kemi heroina në parti. Gazi është tamam.
-Po si do t’ia bëjmë më tej, tha Lelo.
Do ta ruajmë apo ta lëmë ta godasin ata?
-Do presim njëherë, tha Muli, pastaj durimi ka kufi.
S’mund të presim gjithë jetën Edi Ramën, do veprojmë.
Rëndësi ka që ai e ka bërë.
-E kuptova, tha Lelo.
D.m.th po qe se Rama vonon të hapim fjalë që Gazi po tradhton Doktorin dhe e rregullojnë vet këta demokratët.
-Do ta gjejmë një zgjidhje, tha Muli.
Më e rëndësishme është që e kemi gjetur heroin.
