Juristi Kreshnik Spahiu komentoi në ‘Frontline’ Report Tv, progres raportin e paraqitur nga ambasadori i BE-së Silvio Gonzato sot në parlament.
Spahiu thekson për Marsela Karapançon se është e turpshme që mediat opozitare marrin vetëm kritikat në progres raport dhe nuk merren me aspektet pozitive të këtij raporti.
‘Quhet progres raport dhe jo regres raport. Shqipëria duhet të plotësojë 35 kapituj që janë reforma në çdo sektor të shtetit. Për sa kohë duhet ti plotësojë kuptohet qartë që sot Shqipëria nuk i plotëson kriteret. Kemi ende 35 kapituj për ti plotësuar.
A jemi në një moment të rëndësishëm? Jemi në moment historik. 34 vite nuk ka pasur një unanimitet konsensusi europian për Shqipërinë. Meritë e kujt është, rrethana politike, gjeo politike apo një moment i duhur? Duhet parë. E turpshme ajo që ndodh në Shqipëri, gjysma e portaleve thonë Shqipëria është në BE ka plotësuar çdo kërkesë, po të lexosh portalet e opozitës kapin momentet e kritikave.
Spahiu thekson se Shqipëria ka përmirësim të ndjeshëm sa i takon pavarësisë së gjyqësorit dhe rritjes ekonomike.
‘Një nga progreset më të mëdha janë dy momente, e para lufta kundër korrupsionit dhe pavarësia e gjyqësorit. E dyta rritje e ndjeshme e fuqishme ekonomike me rritjen e turistëve. A kanë të drejtë apo jo nuk më takon mua.
Do ngre një pyetje 1 milion. Nëse nuk do ishte ky sistem politik, këto rrethana politike, a do kishte këto arritje SPAK. Korrupsioni ka lindur këto 5 vjet. Ka pasur. Pse janë rritur arrestimet e nivelit të lartë, janë bërë vetëm këto 3 vjet.
Pse nuk janë bërë në 30 vjet? Me qeveri tjetër a do kishte bërë SPAK këto arrestime? O do flasim realitetin, ose flasim përralla. Po të kishte regjim politik tjetër, nuk do kishte sukses. Ky është sukses jo i 3 individëve. Kam lexuar dhe raportin e Kosovës, nuk e thonë që ka rritje ekonomike. Këta ekspertë i kanë studiuar më mirë se ne. Aty ku është bërë progres është progres. Mos të nisemi të krahasohemi më Kroacinë apo Bullgarinë.’
