Kryeministri Edi Rama në podkastin “Flasim”, vuri në dukje se janë shumë të huaj që evidentojnë sigurinë nëpër rrugët e Tiranës, si një element tepër i rëndësishëm për të zgjedhur për të jetuar.
Rama: Është ende si lavjerrëse drejt ‘ikjes’. Sepse në telefon ke një telefon që shikon imazhet e bukura të Gjermanisë, Britanisë, aktorëve, makinave dhe thua po dua të iki.
Por nuk është aq e lehtë sepse ka më shumë fotoshop sesa realiteti i një shqiptari që shkon atje. Por ajo që më bën përshtypje është se të gjithë të huajt janë të lumtur për sigurinë. Kur ua them njerëzve më thonë. Çfarë po thua siguri në Shqipëri e nuk ka në Londër, Berlin, Paris? Po
Londinezi Karl Roberts, ish menaxher i TAP në Shqipëri i cili tani ka zgjedhur të jetojë në Tiranë tha: Absolutisht. Ndihem i sigurtë në Tiranë, sesa do të ndihesha po të ecja në Londër e Mancister, sidomos mbrëmjeve
Rama: Në mbrëmje. Çdo kënd që kam takuar këtu. Po ecja me gruan në mesnatë. Është ajo cfarë kemi dashur shumë. Nuk është e lehtë më askund në Europë. Parisi nuk është i lehtë natën. Është i komplikuar. Duhet të dish rrugët, lagjet ku të shkosh.
Rama u shpreh gjithashtu se Shqipëria është një bekim, teksa shtoi se ka shumë larmi për aq sa vend i vogël që është.
”Shqipëria ka një bekim, ka shumë larmi për aq e vogël sa është. Unë mendoj që mund të pretendoj se mbaj rekordin historik të udhëtarit më të konsumuar në vend sepse që kur isha në lideri i opozitës kam udhëtuar kryq e tërthor.
Nuk e di sa herë kam vizituar çdo qytet s’diskutohet, por edhe shumë fshatra dhe më besoni, vazhdoj të habitem sepse kur prek një vend të ri është përherë diçka ndryshe, pra nuk është i njëjti peizazh, me komunitete të ndryshme.
Por janë komunitete të ndryshme me pasazhe të ndryshme, ngjyra të ndryshme, lartësi të ndryshme, biodiversitet i ndryshëm. Është e jashtëzakonshme, kjo është një pasuri shumë e madhe që ne kemi.
Për njerëzit që vijnë, kur vijnë zakonisht, tani më pak, por të paktën disa vite më parë pritshmëritë ishin kaq të ulta, por pastaj mahniten dhe gjithçka pastaj kthehet në një histori dashurie”, tha Rama.
