Sot ishte mbrëmja finale e Festivalit të 63 të Këngës shqiptare sonte. Mbrëmjen e çeli MC Kresha me versionin e tij të famshëm të « Era ».
Festivali u moderua nga Enkel Demi dhe Ornela Bregu pavarësisht komenteve për moshën. Mes këngëve pretendente ishin ato të kënduara nga Orgesa Zaimi dhe Stine apo Elvana Gjata. Por publiku votoi vetëm për një fituese që ishte Shkodra Elektronike me këngën “Zjerm”.
Çmimi i tretë shkoi për Alis. Ndërsa çmimi i dytë për Elvana Gjata me 135 pikë.
Juria votoi për Shkodra Elektronike në vend të parë me këngën “Zjerm” me 78 pikë, në vend të dytë Elvana Gjata, në vend të tretë Alis.
Votën e diasporës e fitoi Elvana Gjata. Votën e SMS e fitoi Shkodra Elektronike.
Fituesja performoi në skenën e mbushur tej e tej por dhe përballë teleshikuesve besnikë që e ndoqën mbrëmjen live në RTSH dhe votuan përmes telefonave.
Këtë vit ishte risi vota e diasporës e cila votonte përmes kodit QR që u shfaq në ekran dhe të pranishëm në sallë ishin presidenti Bajram Begaj dhe kryeministri Albin Kurti por dhe Leka Bungo.
Risi ishte dhe Shkodra Elektronike që me stilin e tyre të veçantë e transgresiv për kulturën dhe evente të këtij lloji solli një pikëpamje ndryshe për dëgjuesit shqiptarë.
Pjesëmarrës ishte dhe fituesi i X factor, Alis nga Shkodra ndërsa prej konkurrentëve mbrëmjen e hapi “Xhet”. Drejtorja artistike ishte Elhaida Dani e cila dhe mbylli festivalin me një këngë.
Anëtarët e jurisë ishin Alma Bektashi, Ylljet Aliçka, Zana Çela, Merita Rexha Tërshana, Florent Boshnjaku, Jonida Maliqi, Ramona Tullumani ndërsa orkestra u drejtua nga mjeshtri Elton Deda dhe si kompozitor ishte Alfred Kaçinari. Kryetarja e jurisë ishte Zana Çela.
Britz Musarai ishte kompozitori i ri i këngëtares së re Kejsi Jazegji që tundi skenë me një baladë rock ashtu si Besa Smolica pas saj me “Lutem”.
Stine bëri të gjithë hyzmetet e këngës, nga dirigjimi te orkestrimi dhe teksti. Kënga titullohej “E Kishim nis” por melodia tingëlloi disi si e kopjuar dhe përdorur shumë nëpër filma perëndimorë.
Djemte e detit me këngën « Larg » u rikthyen në festival me një këngë patrioteske me vargje shumë të bukura atdhedashurie dhe liricizëm që na rikthen në vitet e tyre të arta.
Festivali u transmetua në RTSH dhe në RTSH Muzikë por Radio Tirana dhe Radio Kosova një dhe dy por dhe në RTK në Kosovë për herë të parë.
“Zemra” është kënga e Nita Latifi që vjen me kompozim të Lorenc Hasrama që ishte dhe ai konkurrent në të njëjtin festival. Këngë që u vonua pak për të dalë në skenë.
Gjergj Kaçinari erdhi me « Larg jetës pa ty » që u kompozua nga babai i tij Gjergj Kaçinari. Me orkestrim nga Enis Mullai dhe nën dirigjimin e Olsi Çinarit këndoi Orgesa zaimi këngën “I parë” që kishte motive tradicionale por dhe të këngëve rap.
Bora Ferri, e bija e Xhevdet Ferri mbajti një fjalim monolog dhe foli për marrëdhënien e saj me babain e saj aktor. Ajo “lartësoi figurën e tij prej babai” dhe u përlot në skenë. Ajo foli për fatmirësitë e saj në jetë në lidhje me babain e saj që i dha një dozë lirie duke dhënë një mesazh dashurie për të gjithë baballarët në sallë.
Lirjona Sulejmani nga Kosova dirigjoi këngën shpërthyese dhe hiperskenike të Ardit Çunit me këngën “Amane”.
Algert Sala me këngën e titulluar « Bosh » solli një ndjesi të veçantë në skenë që u kthye e gjitha bardh e zi, me stil që i ngjan shumë stilit të Boiken Lako për nga regjistri i ulët i këngës dhe recitimi më shumë se “këndimi” i tekstit të këngës.
Disa prej komenteve që shoqëruan festivalin kishin të bënin me mënyrën sesi shqipja u shkrua dhe prej këngëve që kishin tekste jo në shqipe të kulluar megjithatë Shkodra elektronike i bëri të gjitha me këngën “Zjerm” duke kënduar në gegnisht por që ironikisht pati…defekte teknike. Dueti qe megjithatë sukses dhe u prit me duartrokitje të shumta nga publiku.
“Frymë” e Lorenc Hasramës, ish konkurrenti i BBVIP, erdhi me teksti Petro Gjori dhe orkestrimi nga Rigers Hyka nënn dirigjimin e Markelian Kapedanit.
Me muzikë nga Elvana Gjata dhe nën dirigjimin e Shpëtim Saraçit u prit mirë nga publiku “Karnaval”, nga një këngëtare që i njeh mirë ethet e skenës dhe garës.
Nga Oleg Arapi dirigjimi, ndërsa teksti dhe muzika vinë nga vetë autori, kënga titullohet “Anti hero” dhe vjen nga autori Mal. Kjo ishte dhe kënga e pafundit e mbrëmjes,
Kënga e fundit ishte Mjegull nën dirigjimin e Shpëtim Saraçit me tekst nga Alban Kondi dhe interpretim nga shkodrani Alis.
Arta Dade, politikanja e zëshme dhe drejtuesja e festivalit të 13-të mbajti një monolog fjalim inkurajues për të gjitha gratë e vajzat që janë frymëzuar nga ajo. Foli për jetën e vet dhe kujtimet e fëmijërisë, dhe për pasionin e saj, violinën. Foli për të gjithë nënat që na nxisin të zhvillojmë talentin dhe jetën tonë.
Çmimin e kritikës e fiton Shkodra Elektronike dhe teksti më i mirë shkoi për Besa Smollicën.
