Një video e tmerrshme është publikuar, ku tregon momentin pak para se të rrëzohej avioni në afërsi të qytetit Aktau të Kazakistanit. Videoja është kapur me telefon nga një prej pasagjerëve që ndodhej brenda. Gjithashtu videoja e publikuar tregon dëmet që kanë ndodhur, për arsye të panjohura deri më tani, brenda kabinës, ndërsa janë lëshuar edhe maskat e oksigjenit.
Po ashtu në video shihen momente të kapura nga një prej të mbijetuarve sekonda pas përplasjes, që tregon pasagjerët duke u përpjekur të dalin nga rrënojat. Ndërkohë, shumica e pasagjerëve që arritën t’i mbijetonin rrëzimit ishin në bishtin e avionit. Po ashtu një video tjetër tregon momentin kur avioni shpërtheu në flakë dhe u përplas në tokë.
