Nga Anri Bala
Marrja si i pandehur i Erion Veliaj dhe gjithë familjes së tij, që nga bashkëshortja dhe deri tek vëllai, në mënyrë demonstrative dhe me pompozitet të paparë… të jep përshtypjen, se SPAK kur e fillon aty ku do, e nis si në kohën e qoftëlargut. Së fundmi po na çudisin veprimet e kësaj strukture, që po përdor të njëjtën metodologji hetimore, si ish prokurorët e sistemit të kaluar.
Ankara Anal Escort
Denoncuesi anonim i paska kërkuar SPAK të gjurmojë, pasi sipas tij, Veliaj ka qenë i shoqëruar me një person tjetër në të njëjtin avion.
Pikëpyetja, që natyrshëm lind në këto raste është, se si e ka gjetur anonimi aksesin për të gërmuar në regjistrat e Aviacionit Civil, e prej tyre të nxjerr një informacion konfidencial, se në avion me Veliaj, 20 vite më parë, ka qenë dhe një person biznesmen, kur sistemi TIMS as nuk ka ekzistuar në atë kohë?!
Kush është burimi i “kallëzuesit anonim shumë të informuar”, që ka gjetur një dokument jo publik nga lista e Aviacionit Civil?
Kjo dhe disa prova të dyshimta, si veprimet proceduriale, kontrolli i banesës dhe mbledhja e telefonave pa mandat, tejkalimi i afateve hetimore, intimidimi dhe dhuna ndaj “personave që kanë dijeni”, e ka detyruar mbrojtjen e Veliajt të akuzoi publikisht hetimin e SPAK si dashakeq, të qëllimshëm dhe në kundërshtim me ligjin, duke parashtruar prova dhe fakte, që sipas tyre janë të pakundërshtueshme.
Ditën e djeshme, SPAK çoi për gjykim dosjen “5D” dhe pak kohë më pare dhe atë të “Inceneratorit të Tiranës” duke mos mundur të provoi përgjegjësinë penale të Erion Veliaj, e ky veprim i SPAK e nxjerr Veliajn jashtë përgjegjësisë penale për dosjet në fjalë.
Dhe për sa kohë Prokuroria e Posaçme nuk arriti të siguroi prova të mjaftueshme me dëshirën e madhe të arrestojë kryebashkiakun e Tiranës, është futur në lojën e gërmimit dhe të letrave anonime duke u angazhuar me dosje nga kallzimet e dëshmitarëve inekzistentë.
Por, ajo që po bënë sot SPAK është se edhe në se ka Veliaj një fije faji, kjo strukturë po e zbeh atë, pasi kjo duket si gjueti shtrigash dhe ky “inkuizicion” i pa imagjinuar po e kthen Erion Veliaj në viktimë të një sistemi drejtësie që po çalon, e mandej në hero, në syrin e mbështetësve të tij.
Nga ana tjetër, nëse SPAK ka kaq kohë në dispozicion sa të angazhohet institucionalisht për të arrestuar Veliajn , nuk mund t’ua u shes qytetarëve punën e tij si histori suksesi, kur heziton të pastroj bordello politikën përmes balancave me një Sali të lirë dhe një Ilir në arrest me dhjetëra kryetar bashkie, zv.ministra, deputetë, drejtorë e deri tek zv. kryeministër… si për të na treguar se vrasja e të pafajshmëve në bulevard, që protestuan për pazaret në tavolinë të ish zv kryeministrit dhe ministrit të tij, kur bëhet nga shteti, e paguan me jetë dhe vrasësit enden të lirë.
Pa harruar krimet e tyre, shumë qytetarë i janë “hedhur në fyt” SPAK, duke mos e pranuar si prift që bekon krimet e “ishave” në pushtet, duke përdorur hjeksat e këtyre “vrasjeve” si kallëzuaesa.
Ndoshta, nuk ka ardhur koha për tu marrë me të gjitha, por ama pak kohë me qiri duhet ta gjenin spakistat, për ata që e lanë Shqipërinë anës detit të palarë dhe cullak, duke nxituar për të hetuar ata që i kthyen Shqipërisë krenarinë dhe i zbuluan hiret e mbuluara, me kostumin e rreckosur, që ia veshën të paudhët.
Nxitimi për të masakruar çdo kontribues për ndryshimin e Shqipërisë, ka bërë që me qindra votues dhe admirues të SPAK të pyesin veten: A mund të ketë në SPAK urith dhe lakuriqë nate, që i vërbon drita e Shqipërisë së rilindur dhe e Tiranës së ndriçuar?
Ne nuk e besojmë… por ku ka zë nuk është pa gjë. Do Zoti janë pak, që këtë drejtësi mos ta bëjnë pis… sepse e kemi ngritur me gjak! /Ekskluzive.al
