A mund të fitojë PD zgjedhjet më 11 maj?
Edith Harxhi, kandidate në listën e hapur të koalicionit ‘Shqipëria Madhështore’ e konsideron plotësisht të mundur, madje paralajmëron se do të ketë zhvillime të rëndësishme politike.
Harxhi i lidh këto zhvillime me mesazhet që pritet të vijnë nga SHBA.
Në emisionin ‘Log.’, Harxhi tha se Chris LaCivita do përqëndrojë fushatën në Tiranë.
“Do jetë gjatë gjithë kohës, do drejtojë fushatën e PD-së, kryesisht në Tiranë”, thekson Harxhi.
Por analisti Lorenc Vangjeli shprehet skeptik.
“Është njëlloj si të thuash se Kamza mund të fitojë Champions nëse merr trajner Mourihnon”, tha ai.
Ndërkohë që drejtuesi i emisionit, Endri Xhafo i kujtoi barazimin e Gramozit me Real Madrid.
“Mund të jenë si Gramozi që i mori barazimin Realit në Qemal Stafa”, tha Xhafo.
