SKANDAL- Ceshtja e “12 milje detare dhene Greqise” sot mori nje kthese te papritur.
Dy here madje.
Heren e pare kur Kreshnik Spahiu i dha fund largimit te tij nga politika, u rikthye per shkak te rrezikut te shitjes se Shqiperise. Heren e dyte kur Ilir Meta tha se po ndjek me kujdes kete ceshtje.
Tani duhet te jemi te sigurt se deti nuk do te shitet prape, si atehere kur e shiti Sali Berisha me Lulzim Basha. Ilir Meta eshte garancia.
Presidenti Ilir Meta ka nderhyre sot në një bashkëbisedim me te revoltuarit e LSI në faqen e tij në rrjetet sociale.
Në komentin e tij, Meta shprehet se po e ndjek me vëmendjen këtë çështje dhe thekson se si President i Republikës do të veprojë konform Kushtetutës dhe kompetencave e përgjegjësive politike, ligjore e publike.
Por edhe shton se, “marrëdhëniet me Greqinë janë shumë të rëndësishme dhe trajtimi i tyre me transparencë, gjithëpërfshirje dhe konform Kushtetutës, ligjeve ndërkombëtare dhe interesave reciproke të të dy vendeve do të kontribuonte pozitivisht për një progres të tyre, më të fortë, të qëndrueshëm dhe të dëshiruar nga të gjithë”.
Ilir Meta ka renditur fiks parimet te cilat renditi dje ministri Bushati e qe sipas te cilave, po diskutohet delimitimi i hapesirave detare mes dy vendeve. Asgje me shume se ato. Madje me pak.
Ilir Meta nuk e permend vendimin e gjykates Kushtetuese, nderkohe qe qeveria e ka ate ne thelb te qendrimit te saj me greket.
“Të dashur komentues, i jap të drejtë shqetësimit tuaj, të nxitur edhe nga lajmet dhe deklaratat e ndryshme lidhur me marrëveshjen e detit me Greqinë. Unë jam duke ndjekur më shumë vëmendje dhe kujdes, por jo me nxitim, këtë çështje të rëndësishme dhe si President i Republikës do të veproj konform Kushtetutës dhe kompetencave e përgjegjësive politike, ligjore e publike ndaj kësaj çështjeje. Marrëdhëniet me Greqinë janë shumë të rëndësishme dhe trajtimi i tyre me transparencë, gjithëpërfshirje dhe konform Kushtetutës, ligjeve ndërkombëtare dhe interesave reciproke të të dy vendeve do të kontribuonte pozitivisht për një progres të tyre, më të fortë, të qëndrueshëm dhe të dëshiruar nga të gjithë”, shkruan Meta.
