Kandidati i Koalicionit Euroatlantik për njësinë 8 në Tiranë, Pëllumb Seferi, gjatë takimeve me qytetarët ka theksuar dëshirën dhe forcën e tyre për ndryshim.
“Në çdo lagje, në çdo takim, ndjej forcën e qytetarëve për ndryshim. Më 11 Maj, vota për Koalicionin Euroatlantik është vota për një Tiranë më të mirë, për një Shqipëri ku arroganca e pushtetit nuk duhet të lulëzojë,” u shpreh Seferi.
Ndër të tjera, një video të publikuar sot, Seferi ka ndarë mbështetjen e sinqertë dhe mirënjohjen që qytetarët i shprehin çdo ditë. Çdo fjalë, çdo shqetësim i tyre është kthyer në motivim të fortë për angazhimin e tij të përditshëm.
“Çdo fjalë juaja, çdo problem për të cilin kemi bashkëbiseduar do të jetë prioritet në rrugëtimin tim. Ju falënderoj për besimin dhe për zemrën që ndani me mua. 11 Maji është dita jonë për ndryshim!” – shprehet Seferi në mesazhin e tij.
