Kandidati për deputet nga Koalicioni Euroatalantik, Pëllumb Seferi, ka shprehur mirënjohjen për mbështetjen e qytetarëve të Tiranës, veçanërisht të njësisë 8, ku ai ka ndërtuar lidhje të forta ndër vite. Në një deklaratë të shpërndarë sot, Seferi tha:
“Mbështetja e tironcve, e bashkëqytetarëve të mi, më ka dhënë shtysën që të besoj se me 11 Maj do bëjmë ndryshimin e madh për çdo qytetar që do një Shqipëri më të mirë, më të fortë. Faleminderit Tiranë! Vota juaj është fitorja më e madhe!”
Me një profil të dalluar si sipërmarrës dhe përfaqësues i një komuniteti të lidhur ngushtë me vlerat tradicionale dhe besimin tek puna, Seferi hyn në garë si zëri i njerëzve që duan një Tiranë më të ndershme, më të pastër dhe më të drejtë.
