Pas dorëzimit të të gjitha kutive në KZAZ-të e qarkut Vlorë, ka nisur procesi i numërimit.
Deri në orën 05:00 ishin numëruar 98 kuti në shkallë qarku. PS kryeson me mbi 58% të votave në total, ose me 11131 vota, ndaj 5301 vota, ose 27,8% të PD-ADSHM. Një rezultat i dobët ky për aleancën e djathtë, dukshëm i ndikuar edhe nga aleanca e Sali Berishës me Fredi Belerin. Nisma Shqipëria Bëhet renditet e treta me pak më shumë se 6% të votave.
Sipas rezultatit në kutinë e parë të qendrës 4614 në Delvinë, PS ka fituar me 103 vota, kundrejt 47 të PD, teksa Nisma Shqipëria Bëhet ka marrë 16 dhe Koalicioni Euroatlantik 1 votë dhe PSD me 4 vota.
Në KZAZ 90 Delvinë, qendra 4614, PS ka marrë 103 vota, PD me 48 vota. Në qendrën 4613/1, PS ka marrë 89 vota dhe PD 39 vota.
Kurse në kutinë e parë në Sarande, qendra 4660/1, PS ka fituar 101 vota dhe PD 93 vota. Është njoftuar se pas pak do të nis numërimi i kutive për ZAZ-të e Bashkisë Vlorë.
Janë numëruar edhe kutitë e para në Himarë ndërkohë, proces që është ndjekur edhe nga prezenca e Vangjel Dules dhe eurodeputetit grek Fredi Beleri, ish-kryebashkiaku i dënuar me 2 vite burg për korrupsion zgjedhor në Shqipëri.
Në kutinë e parë PS ka marrë 74 vota dhe PD 50 vota. Në Kutinë e dytë PS me 138 vota dhe PD me 70 vota. Në të tretën PS 99 vota dhe PD me 30 vota dhe në kutinë e katërt PS me 43 vota dhe PD me 188 vota.
