Nga Adelina Shehu
Në Blinisht, njësia administrative që përfaqëson zoti Gjin Gjoni, votuesit folën qartë: Pranvera Skana, një grua nga Mirdita, mori 554 vota personale, ndërsa vetë Gjini – vetëm 406!
Por çnderimi më i madh i erdhi nga vetë bashkëfshatarët e tij. Në Fishtë, fshati i lindjes së tij, nga 217 votues, Gjini mori vetëm 63 vota personale.
Pra, Gjin Gjonin, që nuk e do as Blinishti, as Fishta – kërkon të bëhet “opozitari i madh” në Parlament!
Si mund t’i bëjë opozitë dikujt Gjini, që nuk ka besimin as të katundarëve të vet?
Eh, mor Gjin, në politikën e Lezhës e të Shqipërisë, do mbahesh mend si meci i Gjon Gjonit, që bëre fushatë me një tufë badiguardësh e me makina lluksoze në Lezhë, Kurbin dhe Mirditë, por që të mundi në derë të shtëpisë Pranvera Skana, mecja e Bib Skanës prej Oroshit të Mirditës, me duar në xhepa dhe pa makinë!
