Lajmi i kalimit të Ronaldos te Juventusi, pasi braktisi Realin e Madridit, ka ngjallur shpresë për tifozët zikaltër të Interit se një lëvizje të tillë mund të bëjë dhe Lionel Mesi, me drejtim nga Barcelona për në Milano, pikërisht te ekipi i Interit. A ka shanse të ndodhë kjo? Ka qenë Marko Tronketi Provera ai i cili ka hapur mundësinë e një transferimi duke thënë se asnjëherë nuk mund të thotë “Jo” për Mesin.
“Kristiano Ronaldo është i mirë për futbollin italian. CR7 me bardhezinjtë është shumë i mirë për futbollin italian: do të krijojë më shumë vëmendje, edhe për ekipet e tjera ka të ardhura më të mëdha potenciale, rivalët do të lëvizin për të fituar kampionatin. Ishin shumë të mirë, tani ata kanë nënshkruar me një hit shumë profesional”, tha fillimisht Tronketi Provera në fjalimin e tij në emisionin “Politics in the ball” nga Gr Parlamento.
“Lionel Mesi vjen te Interi? Si të them jo për Mesin? Nëse do të kishte një operacion të tillë, tifozët do të ishin shumë entuziastë. Por kjo i takon së ardhmes, nëse diçka do të ndodhë, ende duket shumë larg”, përfundoi një nga përfaqësuesit të “Pirellit”. Natyrisht, lajmi duket mjaft larg të vërtetës dhe fabrikohet nga mediat pro Interit që kërkojnë t’i bëjnë rivalitet Juventusit, i cili bëri një superblerje këtë verë me afrimin e Kristiano Ronaldos nga Reali i Madridit.
