Njihet si një ndër orat më të bukura në botë, por konsiderohet e mallkuar.
Sheiku Saud bin Mohammed Al – Thani, pronari i orës më të shtrenjtë në botë, e cila vlen 15 milion paund, u gjet i vdekur në mënyrë të papritur në shtëpinë e tij në Londër.
Milioneri 48- vjeçar, një ndër koleksionistët më të mëdhenj në botë, planifikonte ta shiste orën dhe po përgatitej ta vinte në ankand pas dy ditësh.
Por ai ndërroi jetë pas një komplikacioni në zemër.
Kjo orë e vitit 1933, Patek Phillipe, i ka sjellë fat të keq dhe tragjedi pronarëve të saj.
“Mallkimi” shkon larg në kohë, që tek pronari i saj i parë, Henry Graves i cili ia kërkoi personalisht orëbërësit të famshëm Patek Phillipe, që t’i bënte orën më të komplikuar në botë.
7 muaj pasi Graves e mori atë, miku i tij më i ngushtë vdiq dhe pak kohë më vonë edhe djali i tij George u vra në një aksident me makinë.
Ora është prej floriri, ajo përmban një kalendar të vazhdueshëm, fazat e hënës, kohën yjore, rezervë energjie, si dhe indikacione për kohën e perëndimit dhe lindjes së diellit.
Ajo ka mbajtur titullin, si ora më e komplikuara në botë për 56 vite me radhë.
