Suela Zhegu, akuzohet nga kunata e saj për mashtrim. Anëtarja e Komisionit të Vettingut akuzohet, se ka përfituar pasurinë e vëllait të saj, pasi ai ka humbur jetën.
Kunata, Anida Ademi, thotë se i janë drejtuar organeve gjyqësore, që Suela Zhegu (Limka) t’u kthejë paditësve, fëmijëve të mitur të vëllait të saj të ndjerë, pasurinë trashëgimore, të përfituar përmes mashtrimit, shkruan portali CNA, që pretendon se i kanë dërguar info.
Në të vërtet, ashtu si për rastin e komisionerit që nuk dinte anglisht, duket qartë se ditët e fundit të shembjes së padrejtësisë, po i përjetojnë keq edhe ato që nuk janë gjyqtar, por kanë qenë ministra si në rastin e aministratorit të portali CNA, ku flitet se nuk është në pronësi të Elvi Fundos, por është në pronësi të një ish ministri, mik i ngushtë i Berishës, që është objekt hetimi dhe pritet arrestimi i tij, pas Llallës./Ekskluzive.al
Ja info publikuar nga CNA!
“Quhem Anida Ademi kam dy fëmijë të lindur ne Amerikë James H Limka dhe Angelo N Limka. Babai i tyre, Arjanit Limka, vdiq mbasi erdhi në Shqipëri në 2013 –ën, për shitjen e banesës dhe mbas derdhjes së shumës, ku ishte kësti i parë i derdhjes, ndërsa këstin e dytë do ta merrnin më vonë”. Kështu e fillon denoncimin Anida Ademi.
Më pas ajo rrëfen, ngjarjet që janë zhvilluar në Tiranë, kur ajo ka ardhur për varrimin e bashkëshortit.
“Më 19 qershor kam ardhur në Tiranë për varrimin e burrit Arjanit Limka. Duke pasur dijeni se burri im dispononte një shumë parash në bankë, pas disa ditësh u paraqita, për t’i tërhequr.
Vura në dijeni bankën se personi Arjanit Limka kishte vdekur dhe se ka dy fëmijë të lindur në Amerikë, duke i treguar dokumentacionin e nevojshëm, në mënyrë që të ndalohej tërheqja e parave nga dikush tjetër. Më thanë se nuk ti merr askush lekët, dhe se unë duhej të merrja avokat”, rrëfen më tej, familjarja e Suela Zhegut.
Ecejaket e saj për trashgiminë e fëmijëve nuk janë ndalur këtu.
“Në vitin 2015, kam ardhur prapë dhe zura avokat. Atëherë mësova se si trashëgimtare ka dalë e ëma e Suelës 80 vjeçe, e cila jetonte me të bijën dhe ishte thënë se Arjanit Limka s’ka fëmijë. Sipas Suelës, trashëgimtare ishte e ëma, Mynever Hoxha Limka. Ndërkohë ishte bërë komplet tërheqja e parave në bankë”, denoncon Anida Ademi.
Më tej ajo ka treguar përballjen që ka pasur me anëtaren e Komisionit të Vettingut Suelza Zhegu.
“Kam shkuar në shtëpinë e Suela Zhegut. Jam ulur në tavolinë në mënyrë njerëzore. kam thënë se ku janë lekët e Arjanit, por ajo përtypej dhe nuk jepte përgjigjje. Vajza e saj i ka thënë, se përse nuk ia jep, janë të tyret. Unë, atëherë i kam thënë, se do t’i drejtohem organeve te drejtësisë. Më pas, ajo ka shkruar një letër duke iu drejtuar fëmijëve, se halla juaj, do t’ju jap apartamentin në Durrës. Ky apartament i takonte burtit tim, por ajo tha që po e shita do t’ju jap 20.000 lekë. Kam tre vjet dhe asgjë nuk ka ndodhur. Nuk zgjidhet çështja ime, e cila ka të bëjë me vjedhje banke, ndërkohë që edhe kjo e fundit ka heshtur”, ka treguar ndër të tjera Ademi.
Kjo e fundit shkon edhe më tej, ngre të tjera pikëpyetje dhe dyshime.
“Është e çuditshme që pas derdhjes së lekavë në bankë, shumë pak kohë më pas vdiq bashkëshorti dhe pas kalimit të trashëgimisë tek ema, Mynevere Hoxha, vdes edhe kjo, njësoj si burri im dhe trashëgimtare mbetet vetëm Suela Zhegu.
Dhe tani e kam dërguar çështjen në Prokurori. Shpresoj të zgjidhet ky problem. Tmerrohem kur shikoj fytyrën e saj që gjykon gjyqtarë të mirë, me eksperiencë por dhe që kanë pasuri, po që të mbash lekët për një kafshatë të dy jetimëve, të nipërve të saj, e bën ajo që është më e fëlliqura, dhe që të tillë s’ka për të parë rruzulli tokësor”, denoncon Anida Ademi.
