Ministri i Diasporës, Pandeli Majo, ka zhvilluar një sërë takimesh në Kosovë ku edhe ka vizituar Prekazin, vendin ku vdiq komandanti legjendar i UÇK-së, Adem Jashari. Nga Kosova, Majko deklaroi se nga 1 janari 2018 do të nisë lëvizja e lirë mes Kosovës dhe Shqipërisë.Kësaj deklarate i është përgjigjur edhe drejtori i të ashtuquajturës Zyrë për Kosovën, Marko Gjuriç, i cili i ka cilësuar deklaratat e Majkos si të bezdisshme.
Enver Hoxha është i vdekur, ndërsa nga Shqipëria e madhe nuk ka dhe nuk do të ketë. Kosova dhe Shqipëria nuk kanë asnjë kufi, por është kufiri mes Serbisë dhe Shqipërisë dhe ky me një gjatësi prej 111 kilometrash.
Siç thuhet edhe në rezolutën 1244 ne kemi të drejtë të përdorim pikat kufitare pasi kemi edhe stafin tonë atje.
Askush në bashkësinë ndërkombëtare nuk shqetësohet për deklarata të tilla të bezdisshme që vijnë nga përfaqësues të ndryshëm shqiptarë çdo ditë. Kjo gjë po sjell shkatërrimin e përpjekjeve për të normalizuar marrëdhëniet në rajon./shqiptarja.com
