Ilir Meta, ish kryetari i Lëvizjes Socialiste për Integrim, ish zv.kryeministër dhe ish kryetar Kuvendi, aktualisht President i Republikës po ndjen “lakun” e drejtësisë të shtrënguar në qafën e tij.
Zullumet e mëdha që ka bërë gjatë kohës që ka qenë në qeverisje ku ka abuzuar në mënyrën më të frikshme, por dhe është bërë pjesë e trafiqeve dhe akteve kriminale, e kanë bindur se e ka të vështirë të shpëtojë nga ndëshkimi ligjor.
Duke parë se dhe kryprokurorja e përkohshme Arta Marku e ka marrë seriozisht detyrën e saj, aq më tepër që tashmë krijoi dhe një strukturë me prokurorë që janë të lirë të hetojnë të gjitha dosjet e krimit, Meta ka nisur të marrë masat e duhura për të shpëtuar veten. Ose sëpaku për të lehtësuar sadopak dosjen e madhe të abuzimeve dhe krimeve që janë bërë nga ai ose në emër të tij, ku lekët i ka përfituar dyshja presidencialo-opozitare Meta-Kryemadhi.
Në krye të herës teksa po dalin një pas një të gjitha bëmat e ish ministrave të tij në kabinetin Berisha dhe Rama, por dhe të ish drejtorëve që disa janë në burg dhe disa bashkë me ish ministrat janë në rrugë e sipër, ka vendosur të distancohet prej tyre.
Pra e thënë shkurt, ka vendosur ti shesë të gjithë, duke shkelur në të vetmen pike apo “aset” ku e ndjente veten më të fortë: atë të mbrojtjes së bashkëpunëtorëve. Por kur prangat i kanë ardhur në prag të shtëpisë, Ilir Meta e ka ndarë mendjen të mendojë vetëm për hallet e veta. Që janë vërtetë halle burgu.
Kështu, ditë më parë ka qënë bashkëshortja e tij, njëherësh dhe kryetare e LSI për momentin Monika Kryemadhi që ka deklaruar se Meta nuk ka formosur asnjë shkresë, ndaj të mos frikësohet apo lumturohet askush, se ai nuk hyn në burg.
Monika në një emision televiziv është pyetur nëse ka frikë për veten dhe presidentin Meta, nga Reforma në Drejtësi. Ajo ka nënvizuar se bashkëshorti i saj, nuk ka bërë asgjë për të pasur frikë. “Mos kini merak për Metën. Kur ai ka qenë ministër i Jashtëm, nuk ka pasur të drejtë firme. Ish kryeministri Berisha ka nxjerrë një ligj në 2005, ku të drejtën e firmës e kishin Sekretarët e Përgjithshëm. Edhe sot ministrat nuk shkojnë brenda, por Sekretarët e Përgjithshëm. Në burg shkojnë ministrat e Ramës, para 2005”, tha Kryemadhi. Duke deklaruar se e hanë sekretarët e përgjithshëm, drejtorët dhe niveli poshtë tyre. Por në të vërtetë, janë dhe ministrat ata që firmosin, dhe në tenderimet e mëdha ata firmosin. Sidomos dhe për fondet limit, që janë përcaktuese në shkallën e përvetësimit nëpër dikasteret qëndrore dhe të varësisë dhe që ndikojnë rëndshëm në përvetësimet miliona dollarëshe apo euroshe. Por Meta me sa duket ua paska “futur” vartësve, duke ua lënë atyre të gjitha firmat, që nëse është kështu janë dhe në konflikt interesi. Por ministrat firmosin, pasi nuk janë aty vetëm për të dredhur zhinxhirin. Fakt është se dhe ministri i Transporteve (ka qënë dhe i METE) Edmond Haxhinasto, që është në rrugën drejt burgut dhe ministra të tjerë që kanë firmosur, janë shitur përfundimisht nga Meta. Por dhe drejtorët e tij duke filluar nga Dashmir Xhika i Rrugëve, supertrafikanti i drogës në kërkim ndërkombëtar Klemend Balili i Rrugëve në Sarandë dhe të tjerë, që kanë firmosur dhe kanë dhënë para për Presidentin aktual janë shitur nga Meta. Por Ilir Meta një gjë nuk mund ta fshehë: Pasurinë e tij të paimagjinueshme, e cila është nën verifikim të fortë nga FBI, ekspertët e BE, kyesisht gjermanë dhe italianë dhe ata britanikë, përpos organeve ligjzbatuese shqiptare. Që pritet të zbardhin pasurinë marramendëse të familjes Meta-Kryemadhi dhe ta pyesin si e ka vënë atë. Sidomos atë në Londër dhe ku i ka gjetur lingotat e floririt, eurot dhe dollarët për të shpëtuar nga falimenti dhe disa banka në Britani. Apo paratë e vendosura në zonat off-shore apo dhe në Qipro dhe SHBA. Laku po ngushtohet, pavarësisht faktit që Meta po i shet të gjithë./Pamfleti.com
