Mësohet se pasuria e sekuestruar sot në Lezhë, me biznese, hotele, restorante e makina luksi i përket një grupi ku bën pjesë edhe Valentin Selaj, i njohur në media edhe si i dashuri i moderatores Viola Spiro, i arrestuar pak kohë më parë në Itali si një nga bosët e trafikut të kokanës që vinte nga Amerika Latine. Burime të “BalkanWeb” bëjnë me dije se dy personat e tjerë janë vëllezërit e tij, Parlind dhe Aleks Selaj.
Grupi në fjalë ishte i dyshuar për trafik ndërkombëtar të lëndëve narkotike dhe shfrytëzim prostitucioni, ndërsa operacioni “Forca e Ligjit” i sekuestroi sot një pasuri prej 1.4 milion eurosh.
Mësohet se ndaj grupit u vendos sekuestro preventive për 15 pasuri të paluajtshme: 7 ambjente biznesi, me sipërfaqe rreth 1100 m2 si Hotel, Bar, Restorant; 4 ambjente banimi, me sipërfaqe rreth 1000 m2 (apartamente, vila); 4 parcela tokë arë, me sipërfaqe totale rreth 22900 m2 dhe 9 automjete luksoze, siç shihen edhe në foto.
Pasuritë rezultojnë të regjistruara në emër të shtetasve:
P. S., 40 vjeç, banues në Shëngjin, Lezhë;
V. S., banues në Rrilë, Lezhë, i arrestuar nga policia e Firences në Itali, si drejtues i një grupi kriminal që merrej me trafikimin e lëndëve narkotike nga Amerika në Itali dhe shfrytëzimin për prostitucioni;
A.S., 35 vjeç, banues në Shëngjin, Lezhë, i arrestuar në vitin 2008 nga policia e Trentos në Itali si pjesëtar i një grupi kriminal që merrej me trafikimin e lëndëve narkotike nga Hollanda drejt Italisë, në kuadër të operacionit “Apuleio” dhe në vitin 2010 u dënua me 4.6 vite burg.
Si u arrestua Valentin Selaj
Valentin Selaj është arrestuartre muaj më parë në Itali si një nga bosët e trafikut të kokainës që vinte nga Amerika Latine. Ai u arresua pas hetimeve nga dy prokuroret holandeze, dhe më pas Policia italiane dhe ajo e Holandës finalizuan një megaoperacion antidrogë më 16 nëntor, duke vënë në pranga 7 persona, që trafikonin kokainë nga Amerika e Jugut, në Roterdam e më pas në Firence.
Policia italiane publikoi edhe pamjet e operacionit, ku mes të arrestuarve ishte edhe 28-vjeçari nga Lezha, Valentin Selaj, i cili rezultoi të ishte i dashuri i moderatores së njohur shqiptare, Viola Spiro. Në pamje duket qartë ku zhvillohej aktiviteti i grupit kriminal si dhe gjithçka që u sekuestrua.
Lajmi u bë publik fillimisht nga gazeta italiane “La Nazione”, e cila nuk dha shumë detaje, por në faqen e saj të parë publikoi një foto të shqiptarit Valentin Selaj bashkë me prezantuesen Viola Spiro. Sipas gazetës italiane, i dashuri i Viola Spiros kishte një rol shumë të rëndësishëm në grupin e trafikut të drogës, pasi siguronte kokainën nga Amerika e Jugut në Fierence, përmes Holandës.
