Një lidhje dashurie me shoqen e ngushtë të bashkëshortes, duket se i ka kushtuar shtrenjtë 45 vjeçarit nga Vora.
Gjykata e Tiranës vendosi për të masën e sigurisë “arrest me burg” pasi e dashura, e cila kishte vendosur t’i jepte fund lidhjes, ka bërë për të kallëzimin në polici, ku e akuzonte për përndjekje.
Por vetë i arrestuari ka rrëfyer në gjykatë se nuk e kishte kërcënuar dhe nuk e kishte ushtruar dhunë, madje tha se me të se kishte edhe marrëdhënie të mira dhe hyrje dalje familjare.
Ai shprehet në gjykatë:
Kishte dy javë që nuk donte të bashkoheshim si herët e tjera. Shkova ta merrja si herët e tjera. Ajo ishte e mërzitur. Pasi ecëm 100 metra, më tha mbaje se do të shkoj në polici.”
Të njejtën gjë ka pretenduar edhe avokati mbrojtës që ka kërkuar masë më të bute sigurie, shkruan Ora News.
Avokati thotë:
Klienti im ka një marrëdhënie shoqërore me kallëzuesin dhe ditën e ngjarjes kanë dashur të sqarojë këtë marrëdhënie dhe nuk ka pasur qëllim ta kërcënojë apo ta vërë në pozitë tjetër siç pretendoi akuza”
Ndërsa prokurorja e çështjes kërkoi nga gjykata arrest me burg kërkesë që u pranua nga gjyqtari i çështjes Artan Gjermeni.
