Ish kryeministri i Shqipërisë Sali Berisha ka bërë një lapsus të tmerrshëm në podiumin e Kuvendit të Shqipërisë. Nuk tregon vetëm problemet që ka në këto kohë të turbullta të implementimit të reformës në drejtësi dhe ku zonja e hekurt Kryeprokurorja Arta Marku ka deklaruar se do të hapë të gjitha dosjet e krimit, korrupsionit dhe trafiqeve të mbyllura nga paraardhësi i saj Llalla.
Sali Berisha ka dhe “peshën” rëndë të gjakut të katër demonstruesve të opozitës të vrarë në mes të bulevardit përballë kryeministrisë më 21 janar 2011. Asokohe ishte kryeministër dhe katër demonstruesit u vranë përballë zyrës së tij, as nuk është pyetur për këtë çështje, jo më të hetohet dhe të dënohet. Janë vrarë me urdhër të tij nga Garda e Republikës.
Duke qënë se zotëron informacion dhe nga organet e drejtësisë, ndoshta Berisha ka marrë vesh se kjo dosje është rikthyer për hetim tashmë, pasi ekziston mundësia sepse vrasja e Aleks Nikës është pa autor. Dhe rikthimi i dosjes do të thotë se është i barabartë me burg për Sali Berishën, nën akuzën e vrasjes shtetërore të shtetasve të pafajshëm dhe opozitës që proteston paqësisht sipas konventave ndërkombëtare dhe ligjit.
Ndaj Berisha në podiumin e kuvendit tha “Më 21 janar, më falni më 21 dhjetor u votua kundër SHBA për Jeruzalemin”.
Ngatërroi gjëra krejtësisht të ndryshme, vrasjen e katër të pafajshmëve prej tij dhe votimin në OKB për zhvendosjen e kryeqytetit të Izraelit nga TelAvizi në Jerizalem. Nuk ka faj. Ka në kurriz “peshë” të madhe, vrasjen e katër demonstruesve më 21 janar 2011. Për më tepër që tashmë po ekstradohet dhe ish badigardi i tij Izet Haxhia nga Turqia, i cili ka thënë shumë por dhe di shumë, duke qënë gati për të dëshmuar para drejtësisë së re. Për krimet e Berishës./Pamfleti.com
