Nga Enver Metalla
Intervistat e dhëna mbrëmë për Eni Vasilin dhe Blendi Fevziun nga vajza që ka marrë vëmendjen e medias dhe opinionit publik, Xhisiela Maloku, ka turbulluar ujërat e palëve të përfshira në këtë histori. Mbrëmë Xhisiela Maloku e deklaratat e saj dhe me të vërtetat e saj ka rrëzuar opozitën, ish-oficerin Emiliano Nuhu dhe median që kishte gjetur një shesh të rehatshëm për të bërë zhurmë, marrë audiencë e tërhequr klikime, duke ja bërë nga ana tjetë jetën ferr asaj (siç shprehej vetë Maloku mbrëmë).
Mbrëmë pas intevistave ku Maloku dha përgjigjet e drejpërdrejta që hidhnin poshtë pretendimet e opozitës, Nuhut e një pjese të madhe të medias, të gjitha palët që deri dje hiqeshin sikur iu dhimbsej Xhisiela viktimë, iu përveshën asaj duke e konsideruar atë mashtruese. Ishte e pabesueshme teksa shihje mbrëmë gra dhe burra nga studiot televizive që i suleshin një vajze e cila kishte marrë guximin të dilte të jepte intervista për televizionet më të mëdha në vend. Opozita natyrisht që do ta konsiderojë vajzën mashtruese, të përdalë, të shitur e të blerë, sepse i ka prishur mbrëmë të gjithë skenarin që ata kishin përgatitur, por teksa shihje se si lincimin publik të saj e bënë mbrëmë edhe gazetarë e jurisë nga studiot televizive, kuptoje se asnjë palë nuk ka qenë e interesuar për fatin e Xhisielës.
Pas asaj që ndodhi mbrëmë, sot është e qartë si kristali se Lulzim Basha dhe opozita e drejtuar prej tij e kanë përdorur Xhisielën si mish për top politik. Dhe mbrëmë kanë shtrembëruar turinjtë dhe kanë nxjerrë mashat në media për të sulmuar një vajzë, duke e intimuduar atë publiksht që të pranonte se e vërteta ishte ajo që ka thënë PD dhe media e jo e vërteta që ajo tha përpara shqiptarëve. Asgjë nuk të habit kur sheh se si opozita përdor një vajzë për interesat e saj politikë, sepse e kemi parë që këtë gjë ta bëjë edhe më parë, madje edhe duke sulmuar gratë e partisë së Bashës që nuk mendonin si ai. Deri dje për opozitën dhe një pjesë të medias Xhisiela ishte ëngjëlli për të cilën protestohej, ndërsa sot ajo është një mashtruese. A duhet me patjetër që Xhisiela të thotë të vërtetën e këtyre që të ketë të drejtë? Absurde!
I dyti në radhë që nuk i interesonte Xhisiela, përkundrazi e përdori atë për të bërë me tragjik skenarin e tij që të përfitonte azil politik është ish-oficeri Emiliano Nuhu. Në asnjë moment Nuhut nuk iu dhimbs Xhisiela, madje pasi ajo foli dhe e rrëzoi, ai doli njëlloj si palët e tjera dhe e sulmoi atë.
Pala e tretë që e ka dhunuar Xhisielën është media. Duke e mbajtur çdo ditë në faqe të parë historinë e saj të thën nga palët e tjera dhe jo nga goja e saj, me siguri e ka terrorizuar atë dhe familjen e saj. Fundja është historia e saj, e vërteta e saj dhe institucionet po merren me çështjen. Si rasti i saj ka plot në Shqipëri dhe në botë, por vetëm te ne ndodh që sa përmendet një politikan (dhe pse pa asnjë provë), të gjithë angazhohen, ndërsa në ditë të tjera nuk investigohet për rastete tjera të ngjashme. E kjo nuk është shërbim ndaj publikut, por ndaj politikës.
Por pavarsisht kësaj, pavarsisht se sa e kishte dhunuar media gjithë këto ditë Xhisielën, mbrëmë ne studiot televizive po media e përdhunoi, duke e akuzuar drejtpërsëdrejti si gënjeshtare.
PSE?
Sepse nuk ka me çfarë të merret media më? Sepse nuk ka një histori tjetër kaq të zezë që të tërheqë audiencë e klikime? Apo se gazetarët përtojnë të investigojnë histori të tjera të ngjashme dhe presin kur partitë politike të dalin e të përmendin emra politikanësh që më pas të vazhdojë telenovela e radhës?
Kusuret e Bashës, Nuhut dhe gazetarëve që sulmojnë një vajzë që del dhe thotë të vërtetën nuk ka pse i mban mbi shpinë jetimja mbi të cilën u ngrit një serial ala NETFLIX.
Megjithatë, ajo që është e sigurtë është që të gjitha palët e mësipërme që përmenda të cilave ju është prishur terezia do vazhdojnë sot, nesër dhe se di për sa ditë të thonë që Xhisiela gënjen. Dhe ky është përdhunimi i vërtetë që po i bëhet Xhisiela Malokut!/Lexo.al
