Përgjimet ambjentale mes Alfred Alizotit dhe Albert Veliut, të publikuara pak më parë në Top-Channel, bënë një kthesë të madhe në atë që quhet ana e panjohur e historisë së audiopërgjimit “Babale”.
Madje nëse i referohemi bisedës midis tyre, deputeti Ervin Salianji, i cili pak ditë më parë deklaroi se e çmontoi prokurorinë, por edhe gazetari Jetmir olldashi, do kenë një përballje serioze me ligjin.
Sikurse thuhet midis “aktorëve” të zgjedhur nga PD, për të luajtur rolin e Agron Xhafaj, ka qenë deputeti Ervin Salianji që është takuar fillimisht me personat në fjalë, duke iu premtuar dhe shumën prej 200 mijë eurove (100 secilit) dhe më pas është kontaktuar gazetari Jetmir Olldashi, i cili ka vazhduar skenarin.
Pra si deputeti dhe gazetari gënjejnë në deklaratat e tyre, kur deputeti thotë se përgjimi është bërë nga një gazetar dhe kur gazetari pranon, se pasi ka siguruar provat për ngjarjen, i ka dërguar ato pranë PD-së si institucioni më i besuar, prej nga mund të bënte denoncimin.
Në kronikë, dy janë detajet thelbësore për hetimin, që hedhin poshtë pretendimet e opozitës për autenticitetin e audiopërgjimit dhe përfshirjen e deputetit dhe gazetarit në këtë histori të trilluar, kur Alizoti pranon (me numrin 974) në bisedën e datës 12 qershor, se ka bërë rolin e Agron Xhafës dhe nuk po merrte shumën e premtuar për aktrimin./Ekskluzive.al
Fredi Alizoti
“Ai muhabeti jam unë. E kape filmin ti? Unë bëra sikur isha vëllai i atij, e ke parasysh? Dëgjon, bëra sikur isha vëllai i atij? Do merrnin nga një qindshe për njeri, dyqind përnjëherë. Ai më tha mua do marrim njëqindshe. Unë i thashë mirë një qindëshe, i thashë nëm një 20 tëshe, e kupton vëlla, asnjë 20 asgjë iku ky muhabet.”
Prokuroria e Krimeve të Rënda thotë, se në 3 biseda, Alizoti pranon qartësisht, se është ai aktori i Agron Xhafaj dhe se ai shprehet i zhgënjyer që Albert Veliu nuk i kishte dhënë paratë.
