Sali Berisha ka nisur lobimet në Kosovë për të bllokuar negociatat mes shtetit kosovar dhe atij serb për ndryshimin e kufirit. Përmes një postimi në rrjetet sociale, Berisha njofton se ka zhvilluar një takim me aktivistë të LDK në Prishtinë, ndërsa nuk la pa sulmuar shumë ashpër bisedimet Kosovë-Serbi. “Dje prita në një takim një përfaqësi të degës së dytë të Prishtinës të Lidhjes Demokratike të Kosovës të kryesuar nga kryetari i saj zoti Mustafë Krasniqi dhe të përbërë nga drejtues të tjerë të kësaj dege, zotërinjtë Florian Dushi, Osman Vitia, Sabri Zylfiu, Vehbi Krasniqi, zonjën Jeta Rafuna, z. Tefik Fazliu, zotin Fitim Havolli dhe Arianit Berisha. Përshëndeta dhe shpreha vlerësimin tim për qëndrimin e qartë dhe të prerë të LDK dhe të gjitha forcave politike në Kosovë ndaj projektit antishqiptar, me emra të ndryshëm, për krijimin e Serbisë së Madhe, projekt të cilin po e paraqesin si të tyre argatët e Beogradit në Prishtinë”, tha Sali Berisha.
Ish-kryeministri e cilësoi tezën e Hashim Thaçit si një akt antikombëtar. “Me këtë akt antikombëtar këta albanofob i bënë Kosovës një dëm të pamerituar. Këta argatë, pa asnjë mandat, në dhunim flagrant të Kushtetutës së vendit, për interesa të padronëve të tyre nxorën në treg territoret, integritetin territorial dhe sovranitetin e shtetit të pavarur të Kosovës. Ata, për të argumentuar aktin e tyre të pashembullt, i servirin publikut si zëdhënës të Beogradit një seri të pafundme trillimesh, mashtrimesh të përditshme, dhe si sharlatanë, për të maskuar aktin e tyre antikombëtar, njëherë flasin në emër të presidentit Putin, herën tjetër në emër të presidentit Trump dhe tani së fundi dhe të presidentit Makron”, u shpreh ish-kryeministri.
Për Berishën, përmes ndryshimit të kufirit po tentohet të zhbëhet Kosova si shtet i pavarur. Por duhet theksuar fakti se me këtë qëndrim plaku Sali Berisha megjithse nuk është skush dhe nuk ka asnjë tagër të ndërhyj apo të japi opinion dhe aq
të kërcënoi Hashim Thaçin. Berisha me mediokritetin që e kaarakterizon dhe si sëmurë nga sindromi i “megalomanisë”, del edhe kundër SHBA-BE. Ato janë shprehur pro negociatave Kosovë-Serbi dhe kanë deklaruar se do të mbështesin çdo marrëveshje që garanton siguri, stabilitet dhe paqe.
