Deputeti socialist Spartak Braho tha se me ligjin kundër lojërave maxhoranca parandalon piramidat e 1997.
Gjatë fjalës që mbajti në parlament teksa floi për mbylljen e basteve, Braho nuk la pa përmendur as opozitën dhe ish liderin e saj, Sali Berisha duke e etiketuar “kryebixhozçiu dhe kopeja e tij politike e degjeneruar”.
“Maxhoranca parandalon katrahurën ekonomiko financiare e ngjashme me piramidat e viteve 1996- 1997.
Jo vetëm sot vendimi i kuvendit por dhe më pas zbatimi i tij njëkohësisht dhe dita e sotme është ditë historike , arritje suksesi në qeverisjen e maxhorancës socialiste”
Është vënë në dukje se ka pasur presion të madh për tiu kundërvënë për eliminimin e lojrave të bixhozit.
Kjo pritej sa kohë që duke eliminuar bixhozin e lojrave të fatit, preken rëndë interesat e mëdha financiare të mafias që ushtrojnë për shumë vite këtë aktivitet, të grupimeve dhe individëve të caktuar që kanë fituar dhe fitojnë miliona nga ky lloj biznesi vesi, i ngjashëm me biznesin e prostitucionit.”
Nuk më çudit as rreshtimi i opozitës në këtë krah pasi kryebixhozçiu, akaparuesi si dhe përfituesi më i madh mbetet Sali Berisha, kopeja e tij politike i cili vazhdon po të jetë po ai si dikur me piramidat e 1996-1997.
Kjo është arsyeja që ata nuk kanë ardhur sot në këtë seancë për të votuar ligjin. Kjo i demaskon si forcë politike regresive dhe e degjeneruar.”- tha Braho.
