Italia është ende një situatë emergjence si pasojë e motit të keq që ka përfshirë të gjithë vendin. Kanë vijuar përkeqësimet sidomos në rajonet e Venetos dhe të ato qendrore.
Numri i viktimave si pasojë e motit të keq që ka goditur Apeninet, ka shkuar në 13 persona.
Moti i keq, i cili vijon me rreshje intensive në formë shtrëngatash ka prekur Ligurian, Piemonten. si dhe ka prekur pjesën më të madhe të gadishullit (duke përjashtuar vetëm rajonet e Adriatikut në jug-qendror dhe Sardenjë) prej herët në mëngjes.
Sot mbrojtja civile ka lëshuar alarmin e kuq në Veneto dhe portokalli në Lazio, Liguria dhe Sicilia, ndërsa të verdhë për Toskanën, dhe Piemonten. Presidenti i Rajonit të Lazio, Nicola Zingaretti, ka nënshkruar aktin me të cilin Rajoni ka shpallur gjendjen e fatkeqësisë rajonale.
Liguria, alarm i zgjatur portokalli
Në Ligurian perëndimore, gatishmëria si pasojë e alarmit portokalli të zgjatur vijon ende, ashtu si edhe në pjesën e bregdetit të Levantes, i ‘gjunjëzuar’ tanimë nga përmbytjet dhe stuhitë e detit.
Këtë mëngjes një anije patrullimi nga Autoriteti Portual ka transportuar nga Santa Margherita në drejtim të Portofinos personelin mjekësor, vullnetarët e mbrojtjes civile, banorët dhe punëtorët e fshatit, të cilët mbetën të izoluar për shkak të rrëzimit të rrugës bregdetare.
Palermo, shi, përmbytje dhe makina të bllokuara
Një shi i rëmbyeshëm i cili ka nisur prej mbrëmjes së djeshme ka përkeqësuar situatën në Palermo. Ka patur me dhjetra thirrje për ndihmën e zjarrfikësve. Nga qendra e operacioneve bëhet me dije se këto thirrje të shumta për ndihmë vijnë për apartamente dhe ambjente të përmbytura dhe makina të dëmtuara në nënkalimet e arterieve kryesore të qytetit.
Ekipet ndërhynë për të liruar shoferët e bllokuar nga uji i bollshëm që rrjedh përgjatë rrugëve, në disa vende ato transformohen në liqene dhe përrenj. Mbrojtja Civile Rajonale konfirmoi alarmin portokalli në të gjithë Sicilinë. Në këtë moment, pjesa më e prekur nga moti i keq është ai lindor. Teknikët po punojnë për të monitoruar nivelin e digave.
Në Piemonte, nivelet e lumenjve në monitorim të vazhdueshëm
Vigjilenca ‘portokalli’ mbetet ende, por sipas parashikimeve të ARPA – Agjencisë Rajonale të Mbrojtjes së Mjedisit – nga mëngjesi i vonshëm pritet një zbutje e kushteve atmosferike duke filluar nga pjesa jugore e rajonit.
Disa përmbytje janë raportuar në Aleksandrino, por pa krijuar probleme të mëdha. Liqeni Maxhore gjithashtu është në monitorim të vazhdueshëm si pasojë e tejmbushjes nga shirat e intensiv të ditëve të fundit./La Reppublica-Lexo.al
