Në këto moment ka rifilluar seanca gjyqësore në gjykatën e Tiranës, ku prokuroria ka kërkuar ndryshimin e masës së sigurisë për Ervis Martinin, nga 30 ditë me afat, në arrest me burg.
Prokuroria ka sjellë një dosje tepër voluminoze ndaj Martinit, ku përveç provave të reja që kanë të bëjnë me ngjarjen e përgjakshme në një lokal në zonën e bllokut mbrëmjen e 4 tetorit, organi i akuzës ka kryer edhe një hetim finaciar të aktiviteteve dhe transakasioneve financiare të Martinit.
Sipas prokurorisë, ngjarja në bllok nuk ishte e çastit, por e paramenduar, pasi nga përgjimet telefonike, Ervis Martini u ka thënë shokëve të tij që të vinin tek lokali madje të merrnin dhe armë me vete.
Përveç akuzës së vrasjes për këtë ngjarje, Martini do të akzuohet edhe për fshehje të të ardhurave, pastrim të produkteve të veprës penale dhe shmangie të tatimeve, pasi janë kosntatuar transferta dhe transaksione në disa qindra milionë lekë të reja me burime të pajustifikuara.
Në përfundim të analizës së kryer në sistemin tatimor, Prokuroria ka dalë në përfundimin se të ardhurat totale të përfituara nga bizneset prej vitit 2012 dhe në vijim nga ky shtetas janë në vlerën 2.382.900 lekë që i përkasin të ardhurave vetëm nga pagat pasi shoqëritë janë me rezultate negative dhe për këtë arsye nuk kanë shpërndarë asnjëherë dividend për ortakun e shoqërisë.
Bazuar në kontratat noteriale, në dosjen hetimore të prokurorisë rezulton se 36-vjecari prej vitit 2009 dhe në vijim ka blerë pasuri sipas kontratave të raportuara në vlerën 85.000 Euro nga të cilat 50.000 Euro janë financuar me qira financiare dhe 25.116.909 lekë.
Mënyra e shlyerjes është CASH dhe burimi i të ardhurave është i papërcaktuar dhe nuk mund të justifikohet me burimet e ligjshme që ka ky shtetas të cilat janë analizuar nga ana juaj.
“Ky shtetas ka kyer edhe disa shitje automjetesh dhe kuotash të shoqërive të cilat janë në një vlerë totale të përafërt 50.000 Euro dhe 14.600.000Lekë. Të gjitha këto shuma janë të shlyera jashtë zyrës noteriale dhe në CASH duke e shmangur sistemin bankar.
Pjesë e hetimit të prokurorisë janë edhe të dhënat bankare të Martinajt, rezulton se ka transaksione bankare në vlera të konsiderueshme të cilat nuk kanë asnjë justifikim për burimin.
Një pjesë e këtyre të ardhurave është tërhequr në CASH nga ana e 36-vjecarit dhe nuk dihet qëllimi për të cilat janë përdorur këto tërheqje.” thuhet ne dosje.
Po ashtu në dosjen hetimore thuhet se nga veprimet e kryera deri në këtë moment procedurial ka dyshime të bazuara në akte se Ervis Martinaj është i pajisur me një tjetër pasaportë si shtetas kosovar me emrin Admir Koca, të cilën e ka përdorur edhe për të dalë jashtë kufijve të Shqipërisë, dokumentuar me printim nga sistemi TIMS.
