Ka shkuar në tre numri i viktimave nga aksidenti tragjik i ndodhur në aksin Shkodër -Velipojë rreth një më parë. Burime për “Panorama” mësojnë se pas vdekjes së drejtuesit të mjetit Mondi Gjergji dhe foshnjës së tij 8 muajshe, ka ndërruar jetë edhe njëra nga vajzat e tij.
Të tjera informacione vijnë nga aksidenti tragjik që ndodhi pasditen e sotme në Shkodër. Drejtuesi i mjetit tip “Alfa”, Mondi Gjergji dhe djali i tij 8 muajsh kanë ndërruar jetë në spital e ndërsa ndodhen në gjendje të rëndë edhe dy fëmijët e tjerë.
Aksidenti ka ndodhur në aksin Shkodër- Velipojë, ku dy makina janë përplasur me njëra – tjetrën.
Burime për “Panorama” bëjnë me dije se 7 persona janë përfshirë në aksident dy prej të cilëve ndodhen në gjendje të rëndë. Mondi Gjergji është shtetasi që ndodhet në gjendje të rëndë bashkë me një tjetër që ende nuk është identifikuar.
Mondi Gjergji ishte në një makine tip “Alpha” ngjyrë e zezë me targë 474 NJ në të cilën ndodhej edhe bashkëshortja e tij dhe 3 fëmijët që janë dërguar në spitalin rajonal të Shkodrës.
Shtetasi Sokol Muja ndodhej në makinën tip Hounday i cili po ashtu është i plagosur bashkë me një tjetër. Shtetasit janë dërguar në spitalin e Shkodrës.
