Politika shqiptare prej ditësh është përfshirë nga një betejë e ashpër, të cilën e prin vetë presidenti Ilir Meta.
Ky i fundit ka marrë rolin e krye-opozitarit dhe po përpiqet të fusë në krizë qeverinë, duke mos dekretuar ministrin e Brendshëm.
Çuditërisht, kësaj beteje po i “qëndrojnë larg” aktorët kryesorë të saj.
Lulzim Basha është mjaftuar vetëm me disa “cicërima” dhe disa konsiderata gjatë një interviste televizive.
Më pas mori avionin dhe prej ditësh nuk ndodhet në Shqipëri.
E vetmja që nuk ka folur deri më tani, është kryetarja e LSI-së, Monika Kryemadhi.
Ajo nuk ka asnjë qendrim për vendimin e burrit të saj dhe luftën që ai i ka shpallur mazhorancës dhe Edi Ramës.
Ka folur vetëm Petrit Vasili nga LSI, por ai nuk quhet, pasi nuk e merr njeri seriozisht.
Kryemadhi në fakt, jo vetëm në këtë rast, por edhe më parë, ka mbajtur një qendrim indiferent me zhvillimet politike në vend.
Ka javë apo edhe muaj, që ajo nuk flet më dhe nga “luftëtarja me çizme” e përbetuar kundër Ramës, çuditërisht është kthyer në një kryetare pa zë.
Kjo heshtja e saj nuk kuptohet, por nga një anë mund edhe t’i jepet e drejtë!
Është e vështirë të kesh edhe burrin krye-opozitar, edhe të jesh vetë!/TemA
