Kreu i Aleancës Kuq e Zi, Kreshnik Spahiu ka reaguar pas deklaratave të spektërve politikë, për heqjen e ‘Shqiponjës’, nga sheshi me po të njejtin emër, vendosur në hyrje të Tiranës, si simbol i 100 vjetorit të Pavarësisë.
Në një postim në rrjetet sociale, Spahiu shkruan se mbikalimi është më jetik sesa një shqiponjë betoni.
‘Shqiponjat nuk e bëjnë Shqipërinë të fluturojë’, ka thënë Sahiu, ndërsa shton se ato mund të vendosen ngado.
“S’arrij ta kuptoj këtë patriotizmin në facebook për një shqiponjë betoni. O njerëz mbikalimi në hyrje të Tiranēs është jetik. Shqiponjat i ngulim kudo dhe s’e bëjnë dot Shqipërinë të fluturojë. Ju lutem mos lejoni çiftin B & B të protestoj siç bëri tek Zogu Zi se do na lënë edhe 20 vjet pa hyrje kryeqyteti”,- shkruan Spahiu.
