Qesh e ngjesh”, me këtë praktikë ka bërë karrierë, ka mbijetuar e shpëtuar nga prangat kreu zyrtar i PD edhe në raste krimesh të rënda njerëzore, bindje që ta krijojnë 7 pasaportat e tij, pasuria gjigande, dosjet e spiunimit hartuar kundër komandantëve të UÇK në favor të Serbisë dhe, historia e “Shtëpisë së Verdhë” në Burrel, ku u paraqit si “topograf i komunës”
Paska sekret të fortë, fakti që Luli qenka me kaq fuqi në kupolën e PD, sa u duk çudi, si nuk e rrëzuan dot as “ustallarët” e grupit të vjetër, të sprovuar me prapaskena e intriga kolegësh, të cilët përbënin bazamentin e sundimit çereshekullor të Berishës, në këtë parti.
Raprazaljen e madhe, që bëri Basha në PD, nuk mund ta harrojnë kurrë, të goditurit prej tij, të cilët vazhdojnë “punojnë”, për ta dobësuar e përmbysur, me objektvin e futjes në konflikt të ashpër me Berishën.
Një grup demokratësh, njoftoi para disa ditësh, se kishte nisur lëvizjen ne “FB”, me moton “PD PA BASHËN”, por lajmi i fundit, bën fjalë për një goditje më të fortë, që pritet të mos kalojë pa pasoja, për pushtetin e Bashës në parti, drejtë me thënë të çkrehur!
Një klan i fortë anti-Basha, po bëhet gati të publikojë, një skandal regjistrimi bisedash “intime”, zhvilluar mes Berishës e Bashës, në vitet 2005-2013, në kohën e pushtetit të tyre, ku flitet për gjëra të rënda, që kanë shoqëruar punët e të dyve në ato vite.
Këto regjistrime “babë e bir politikë”, kanë për autor Lulzim Bashën, ndërsa viktima është Sali Berisha, njeriu që e solli si trashëgimtarin e tij të “rekomanduar”, nga Serbia, direkt në krye të PD, pa e ditur as adresën e kësaj partie.
Sipas grupit, që disponon regjistrimet, flitet për biseda tepër “intime”, lidhur me “plagë të vjetra e të reja”, për dy drejtuesit e lartë, njeri me detyrë 8 vjet kryeministër, ndërsa tjetri, 6 vjet ministër në 3 ministri dhe 2 vjet kryebashkiak i Tiranës.
Ndërsa Sali Berisha, i besonte si “djalë trashëgimtar” në krye të PD, Lulzim Basha vepronte, me metodën e “punës” së tij në Kosovë e Serbi, duke regjistruar të gjitha bisedat konfidenciale, për cështje me “spec e zarar” për fatin e tij, “regjistrim që e bënte me modelin “Qesh e ngjesh”.
Sipas informacionit, rezulton se Lulzim Basha, në 8 vitet e pushtetit të PD, nga gjithë komunikimet direkte e sekrete, që ka zhvilluar vetëm me Berishën, ka regjistruar 413 orë biseda “familjare”, për “çështje delikate” që i përkisnin sundimit të tyre në PD, pazareve me botën e biznesit, të krimit, skenarët eleminues të kundërshtarëve, skemat e kapjes së gjykatave e prokurorisë, kontrollit të sektorëve të ekonomisë e financave.
Këto, kanë qenë biseda që duhet t’i dinin vetëm ata, ku sipas disa pjesëve të dëgjuara nga “PAMFLETI”, flitet për një skenar të paramenduar Berisha-Basha, për spostimin dhe nxjerjen nga PD, të figurave potenciale që kishin ambicie, për të kapur kupolën e PD, si Olldashi, Topalli, Patozi, Bregu, Bode etj.
Në këto regjistrime, janë fiksuar dhe bisedat, që kanë lidhje me urdhërat, këshillat e porositë, që i ka dhënë Berisha, për të nisur dhe realizuar, pazaret e Rrugës së Kombit, për pagesat për mbylljen gojëve dhe letrave të çështjes “Gërdeci”, për urdhrat e 21 Janarit, për aferën e CEZ, për veprime financiare në “Credins Bankë”, për bllokimin e ekstradimit të Izet Haxhiajt e dëshmitarit Zenel Nezaj, për koncesonet e Bashkim Ulajt, për pastrimin e lekëve me 6 firmat fantazma të Damir Fazllicit e deri, për “mbylljen” e çështjes “Remzi Hoxha”, që është çuar si padi në Strasburg e Hagë, me akuzë direkte për Berishën.
Këtë regjistrime, të kryera paralelisht dhe nga agjenci të tjera ligjzbatuese vendase e të huaja, të cilat mbanin nën përgjim ambiental, dy liderët e PD, “mjeshtri” Lulzim Basha, nuk i ka kryer si “spiun i paguar”, për t’i dorëzuar diku tjetër, kundër Berishës.
Qëllimi i tij, ishte marrja e masave paraprake rezervë, për vetë-mbrojtje, në rast të rihapjes së “dosjeve” të krimeve, që kanë bërë me njeri-tjetrin, nga frika se Berisha, për të shpëtuar veten dhe 2 fëmijët e tij, të përfshirë në afera, mund t’ia ngecte atij si “firmosës”, siç veproi me 240 milionë eurot e vjedhura në Rrugën e Kombit dhe urdhërin për vrasjet e 21 janarit./Pamfleti
