Nicholas Winton nuk është njeri i thjeshtë. Ai zë një vend të veçantë në fëmijërinë dhe zemrat e shumë personave, më saktë të 669 fëmijë hebrenj.
Gjatë Luftës së Dytë Botërore ai do të organizonte transferimin në Britaninë e Madhe të 669 fëmijëve hebrenj që ishin të destinuar të shkonin në kampet e përqëndrimit të nazistëve.
Nicholas George Winton, i lindur më 19 Maj 1909 është humanitari britanik por që kishte lindur nga dy prindër hebrenj gjermanë. Prindërit e tij kishin migruar drejt Anglisë dy vite para se ai të vinte në jetë.
Ai u shpëtoi jetën 669 fëmijëve hebrenj më së shumti nga Çekosllovakia. Ai u gjeti atyre shtëpi ku të strehoheshin dhe i transferoi shëndosh e mirë në Angli.
Bota e mësoi vonë gjestin e tij të madh. Do të ishte viti 1988 kur atij do t’i përgatitej një suprizë e madhe mirënjohjeje. Ai është nderuar edhe më pas me një sërë çmimesh të tjera deri në vitin 2015 kur u nda nga jeta.
Në vitin 2003 Mbretëresha Elizabet do të nderohej me titullin Fisnik për “shërbime ndaj njerëzimit, në shpëtimin e fëmijëve hebrenj nga Gjermania naziste gjatë pushtimit të Çekosllovakisë”. Më 28 Tetor të vitit 2014 atij iu dha titulli i nderit më i lartë i Republikës Çeke, Urdhri i Luanit të Bardhë (klasi i parë), nga Presidenti Çek Miloš Zeman.
Në këtë video të vitit 1988, ai ftohet në një event për të njohur një nga femrat të cilat ai ka shpëtuar kur ajo ishte fëmijë, por kur prezantuesja pyet publikun nëse ka ndonjë tjetër i cili i detyrohet atij për jetën, ndodh diçka e mrekullueshme.
Kur prezantuesja thërret emrin e gruas që gjen në listën e Winton dhe i thotë se ajo ndodhet në karrigen ngjitur me të, ai preket shumë dhe përlotet, ndërkohë që gruaja i puth dorën dhe e falenderon disa herë e përlotur.
Kur prezantuesja fton që të ngrihen të gjithë ata që i detyrohen për jetën e shpëtuar Sir Winton, ai mbetet i habitur. Shumica e sallës ngrihet në këmbë, të gjithë ata që e rrethonin ishin “fëmijët e tij”, fëmijët që kishte shpëtuar 50 vite më parë.
Ata ishin rritur dhe madje plakur por nuk kishin harruar se kush ishte shpëtimtari i tyre.
Mirësia gjithmonë shpërblehet!
