Vasili Kalivas, një nga idhtarët e Vorio-Epirit dhe një nga njerzit që ka qenë në mbështetje të Kostandino Kacifas ekstremisit grek që u vra nga RENEA, është anëtar dhe votues i Lulzim Bashës.
CNA.al ka siguruar sot foto të idhtarit të Kacifas dhe Vorio Epirit, që sot ka votuar në zgjedhjen e kreut të PD-së në Sarandë.
Kalivas është një nga pesonazhet që i dha një rrjedhë tjetër ngjarjes së Bularatit me deklaratën e tij duke thënë se Kacifas ishte bërë objekt për t’u vrarë dhe nuk ndodhi gjithçka vetëm pse ai hapi zjarr, ndaj RENEA-s.
Në një intervistë të tij Kalivas ka thënë se “Unë di vetëm një të vërtetë që Konstandini ishte bërë objekt për t’u vrarë dje dhe e them me plot bindje të plotë. Nuk e di kush e ka vënë objektiv. Dua të përgënjeshtroj lajmin që Konstandini nuk ishte ekstremist dhe nuk ishte për të vrarë njerëz.
Sepse nëse donte të vriste njerëz Konstandini mund ti kishte vrarë të katërt dhe mund të kishte ikur dhe asnjëri nuk kishte mundësi ta kapte. Kostandini donte të ngrinte një flamur të madh në qendër të Bularatit ku shkruhej “Vorio Epir tokë greke”, ky flamur u vendos dhe vjet.
Këtë vit erdhën 5 ditë parë disa persona dhe e kërcënonin të mos ngrinte flamurin. Ai ishte i trysnuar të mos e ngrinte flamurin. Katër policë i kërkuan Kostandinit të dorëzohej, do ta merrnin me vete apo nuk e di.. por ai nuk u dorëzua dhe vajti e mori armë. Ai nuk qëlloi mbi policinë”, ka deklaruar votuesi i Lulzim Bashës duke dalë hapur në mbrojtje të ekstremistit Kostandinos Kacifas, i cili u vra nga forcat RENEA, pasi qëlloi me armë zjarri në mes të fshatit Bularat gjatë një feste./ CNA.al
https://www.facebook.com/Ora.News.RTV/videos/338294297004168/?t=0
