Deklaratat e fundit të Ramës në takimin mes qeverive të Shqipërisë e Kosovës ku Kryeministri shprehu edhe njëherë dëshirën për bashkim me duket se kanë ngjallur reagime dhe debate të shumta.
Këto deklarata janë komentuar si kërcënim që i bëhet Europës dhe tepër shqetësuese për stabilitetin e vendit dhe imazhin e Shqipërisë.
Fatos Lubonja komentoi sot nga studio e lajmeve në News24, takimin e përbashkët mes qeverive të Shqipërisë e Kosovës dhe deklaratat e bëra nga kryeministri Rama.
Deklaratën e Ramës : “Bashkimi Evropian duhet t’i japë fund qasjes me dy fytyra”, Lubonja e sheh si një taktikë për t’iu shmangur problemeve me shqiptarët.
“Një kërcënim që i bëhet Europës, është një deklaratë shqetësuese po bën pjesë në atë që unë e shoh si streha e fundit e horrave. Sa herë kanë problemet me shqiptarët për shqiptarët, fusin këtë idenë e Shqipërisë abstrakte.
Meqë këta punojnë tërë kohës kundër shqiptarëve, flasim për Shqipërinë e madhe. Problemi që është këtu sot, por dhe në Kosovë, është se shqiptarët po ikin për shkak të këtyre.
Ku bashkohen këto dy pika? Armiqtë më të mëdhenj të shqiptarëve janë vetë këta, as serbët as grekët. Po të mos ishte sot Europa, kufiri i Serbisë mund të ishte deri në Kukës.
Ky i thotë Europës tani, nëse ju nuk na pranoni, ne bashkohemi vetë. Këto janë kërcënime që hapin probleme më shumë”, u shpreh Lubonja.
Gjuha e ashpër ndaj Europës lidhet me tensionimin e situtatës këtu në vendin tonë?
“Po pa dyshim është një stresë për këto që po bën këtu. Tani duke dalë me këto gjëra, shpenzojnë dhe paranë tonë publike dhe shkatërrojnë shtëpitë e shqiptarëve, dhe tërheqin vëmendjen. Pronat nuk duhen shembur pa u kompesuar,” u shpreh ai.
A është moment delikat për Shqipërinë lidhur me negociatat?
“Celja e negociatave është e rëndësishme vetëm për propagandën e Ramës. Gjasme për punën e tij. Por se ça po bën ai, e dimë ne nuk e dinë europianët. Por nuk varet vetëm nga ne, por varet dhe nga situata në Europë, duke qenë se janë zgjedhjet. Por mirë pyetja tjetër është a e ke bërë gati ushtrinë ti? Çfarë ushtrie ke ti nëse plas lufta? Më shumë këtu kemi të bëjmë me mungesë koherence që shihet më shumë te Rama,” tha Lubonja.
