Duket se tashmë në listën e ushqimeve të rrezikshme është futur edhe sallata jeshile.
Para disa kohësh në Kaliforni është regjistruar edhe viktima e parë, si pasojë e bakterit E.Coli, i cili gjendet me shumicë në sallatën jeshile. Ekspertët këshillojnë shmangien e konsumimit të sallatës jeshile, në rast se nuk ka siguri për prodhimin e saj.
Por çfarë është bakteri E.Coli?
Bakteri E.Coli mund të gjendet në zorrët si të njeriut ashtu edhe kafshëve, si edhe tek ushqimet dhe në mjedis. Pothuajse të gjitha llojet e këtij bakteri janë të parrezikshme, megjithatë disa prej tyre mund të shkaktojnë dhimbje barku, diarre dhe të vjella.
Të rriturit zakonisht shërohen brenda 1 jave, por ka disa lloje të këtij infeksioni që mund të shkaktojnë probleme më të rënda, sidomos tek fëmijët dhe të moshuarit, të cilët janë më të rrezikuar që të zhvillojnë probleme me veshkat.
“Jeshillëqet, si sallata jeshile, mund të kontaminohen në tokë nga dheu, uji i kontaminuar, kafshët ose mënyra e papërshtatshme e mbjelljes”, thotë Jeff Farber, drejtues i Institutit Kërkimor Kanadet për Sigurinë Ushqimore dhe professor tek Universiteti Guelph në Ontario.
“Sallata jeshile mund të kontaminohet gjithashtu nga bakteri gjatë dhe pas korrjes, ruajtjes dhe transportimit të produktit”.
Gjithashtu edhe 121 njerëz të tjerë janë infektuar me këtë bakter ndërkohë që ekspertët kanë dalë njëzëri me këshillën se sallata jeshile duhet shmangur.
Edhe pse të gjitha llojet e këtij bakteri janë konsideruar të parrezikshme, duhet thënë se disa prej tyre mund të shkaktojnë dhimbje barku, diarre dhe të vjella dhe varur nga organizmi, edhe gjëra më të rënda.
Burimi: CNN
