Opozita ka bllokuar edhe sot në mbrëmje qarkullimin e automjeteve në segmentin nga Pallati me Shigjeta deri te Dogana, duke protestuar kundër projektit të zgjerimit të Unazës së Madhe.
Ashtu si çdo mbrëmje, Basha zhvilloi edhe një konferencë për shtyp ku foli për vjedhje në projektin e Unazës së Madhe.
Por ndërkohë që Basha akuzon për vjedhje, në kohën kur ishte ish-ministër i Transporteve, i shpëtoi drejtësisë me procedurë, duke mos u gjykuar kurrë për rolin e tij në vjedhjen e mbi 230 milionë eurove në rrugën e Kombit.
Me justifikimin se ishte i sëmurë ai dërgoi disa herë raporte shëndetësore duke mos u paraqitur dhe për kalim afatesh ai i shpëtoi burgut.
Ndërkohë që rruga vijon prej vitesh të gërryejë buxhetin e shtetit për mirëmbajtje, pasi nuk përfundoi asnjëherë siç duhet.
Në ditën e 35-të protestës, banorët e kësaj zonë vazhdojnë të mbështeten nga kryetari i PD-së, Lulzim Basha, dhe deputetët e LSI-së, Endrit Braimllari, Klajda Gjosha, Nora Malaj, Kejdi Mehmetaj dhe Floida Kërpaci.
