Kryeminstri Edi Rama u ka bërë një thirrje për dialog studentëve, duke i cilësuar të 8 pikat e paraqitura prej tyre të arsyeshme, por se: Bashkarisht duhet të ulemi dhe të flasim, pasi 8 PIKAT janë për mua vetëm pikënisja e një faze të re transformimi!
Ja statusi i Kryeministrit
Të dashur studentë protestues,
gjithçka na duhet tani është të ulemi dhe të flasim.
8 PIKAT janë për mua vetëm pikënisja e një faze të re transformimi të botës sonë universitare. Dhe këtë transformim mund, duhet e do ta bëjmë VETEM SE BASHKU, përmes një Pakti për Universitetin mes studentëve dhe qeverisë.
Adresimin e 8 PIKAVE duhet të nisim pa humbur kohë. Kemi punë për të bërë dhe nëse doni që uljen e tarifave ta mbyllim para pushimeve tuaja të Vitit të Ri, s’ka realisht minuta për të humbur me llogjet e kazanëve dhe rrugët shkencore të Doktorreshë Monës e të Profesor Lulit.
Unë jam gati dhe s’kam asnjë kusht, prandaj bëhuni mbarë e më çoni fjalë, kur e ku doni të takohemi. Përqafime dhe kurajo, sepse do ju duhet shumë kur ta kuptoni që kjo që keni nisur është ku e ku më e madhe, sesa ato 8 PIKA:-)
