Sali Berisha ka debatuar me gazetarin Alban Dudushi në studion e emisionit “Open” në Top Channel.
“Ishte i gatshëm të të nxirrte nga skena dhe bëri edhe moderatorin dhe një gjest i tillë nuk mund të bëhet.”, u shpreh Berisha.
Ndërsa Dudushi i përmendi apartamentin e tij në qendër të Tiranës si dhe një vilë në det, por Berisha iu përgjigj se nuk është e tija, por e vajzës së tij.
Dudushi: Studentët thonë plotëso tetë pika. Kryeministri thotë jo këto tetë pika, po hajde i hyjmë me themeli dhe ku është problemi.
Berisha: Dinë më shumë se sa piktori dështak dhe ndrikull vila. Po vilën 200 mijë euro si e ndërtoi ajo dhe s’ka thënë një fjalë për vilën. Po pse nuk thotë Edi Rama për vilën e Surrelit? Unë me rrogën time e kam pasur të pamundur që të ndërtoj vilë. Nga u ndërtuan sarajet e Surrelit. Nga dolën këto.
Dudushi: Ju keni apartament në qendër të Tiranës. Dilni në Facebook me vilën.
Berisha: 125 metër katrorë e kam nga 90 metra katrorë që ka qenë dhe kursimet e mija kanë qenë për të shtuar apartamentin tim. Nuk kam vilë në Lalz dhe askund. është vilë e kunatit tim dhe vajzës sime dhe kam një dhomë timen të dhuruar.
Nuk mund të ndërtoj vilë me rrogë. Nuk ndërtohet shtëpia me rrogë.
