Bashkimi Sovjetik i kishte vendosur 12 nëndetëse në detin shqiptar pas Luftës së Dytë Botërore, përmes të cilit veprim bënin kundërpeshë përballë Flotës së Perëndimit në Mesdhe. Katër nëndetëse u ishin dhënë shqiptarëve që t’i drejtonin.
Marrëdhëniet Bashkim Sovjetik -Shqipëri ishin ashpërsuar dhe po shkonin drejt prishjes dhe kishte ardhur momenti edhe te diskutimi i nëndetësve.
Më 4 qershor 961, pati një përplasje të ashpër, deri në prag të përdorimit të armëve mes ushtarakëve sovjetikë që kërkonin që në ikje të merrnin nëndetëset e “Pashalimanit” dhe detarëve e eprorëve të tyre shqiptarë, që ishin të vendosur që të mos lejonin largimin e nëndetëseve. Shqiptarët nuk ua kishin dhënë sovjetikëve katër nëndetëse, kurse ata ishin tërhequr vetëm me tetë sosh.
Ish-komandanti i bazës së nëndeteseve shqiptare, Dashamir Ohri, kishte thënë se edhe pse ishte vendosur që e gjithë situata të zgjidhej me dialog, megjithatë situata ishte afër daljes nga kontrolli, por sovjetikët ishin tërhequr.
Kurse ushtarakët sovjetikë kur ishin kthyer në Moskë kishin theksuar se shqiptarët tentuan t’i merrnin të 12 nëndetëset.
