Një tërmet 4.7 ballë i shkallës rihter është regjistruar në qytetin jug-perëndimor të Himarës. Epiqendra e tërmetit ka qenë në lindje të qytetit bregdetar por lëkundjet janë ndier dhe në qytete të tjera. Lëkundjet e tërmetit janë ndjerë edhe në qytete si Vlorë, Sarandë, Gjirokastër dhe Tepelenë.
Sipas Institutit të Gjeoshkencave, Energjise, Ujit dhe Mjedisit tërmeti ka rënë rreth orës 19:27 të ditës së sotme dhe epiqendra e tërmetit ka qenë 6 km në lindje të qytetit të Himarës. Sipas gazetarit të Report Tv Piro Nase, lëkundjet e tërmetit në Gjirokastër kanë zgjatur 3 sekonda por kanë kaluar pa pasoja.
Të dhënat e tërmetit sipas IGJEUM
Deri në këto momente në epiqendër dhe zonat e prekura nga lëkundjet nuk raportohet për të lënduar apo dëme materiale.
