Anëtari i Këshillit Kombëtar të PD, Edvin Kulluri ka hedhur kritika të forta sot në drejtim të kreut të opozitës, Lulzim Basha.
Në një postim në rrjetet sociale, Kulluri, ironizon Bashën, ndërsa i referohet një deklarate të mëparshme ku ky i fundit në një studio televizive tha se “nuk bëj revolucion se thotë Merkel dhe Trump që e mori pushtetin me dhunë”.
Kulluri më ironi shkruan se pas Merkel dhe Trump, tani fajin Bashës ja paska Ermal Mamaqi.
“Njhere na e ka fajin droga, pastaj na e hodhi Rama me marreveshjen, pastaj s’na le Trump dhe Merkel te bejme revolucion, pastaj kartat e identitetit, e ne fund Ermal Mamaqi!
Mire keta, po nuk na duan as studentet dhe emigrantet ne protesta! Prit ti vij rradha qe te vije ne pushtet, por ja qe nuk ka fat! Nuk e do fati te mirin o Lulzim! Nuk ke rruge tjeter vecse te rrish e te presesh! Me fatin nuk luftohet! Te zuri hall i madh!”-shkruan Kulluri në postimin e tij.
