Ja ta nisnim intervistën më udhëtimin tuaj shumë vite më parë në shtatorin e vitit 1989 në Tiranë, Kemi shkëputur një moment nga koncerti juaj në “Qemal Stafa” në 20 shtator 1989. Çfarë ju kujton ky moment?
“Në krah kisha disa persona të Sigurimit të shtetit që më thanë se nëse sot ndodh ndonjë incident, përgjegjës do të jeni vetëm ju. Iu thashë se po thoni se duhet të pushoj së kënduari. Jo, jo, ju e kuptuat shumë mirë se ç’duam të themi, më thanë. Unë nuk kisha asnjë qëllim për të bërë asnjë incident, por të krijoja një urë me realitetet që e rrethonin Shqipërinë”, ka thënë ai. “Vite më pas kam takuar presidentin Topi në Sanremo i cili më tha se në atë koncert, kur dëgjuam këngën ‘Felicita’, pamë gjithësecilin në fytyrë dhe menduam se kishte ardhur moment që vendi të ndryshonte. Gjëja më e bukur ishte se ndryshimi ndodhi në mënyrë paqësore dhe demokratike”.
Babai i tij ka qenë ushtar në Shqipëri gjatë Luftës së Dytë Botërore. Albano thotë se nuk ka vrarë askënd dhe se qëllim kishte afrimin mes komuniteteve e jo shkatërrimin.
“Ky ka qenë një shembull që e kam mbajtur gjithnjë përbrenda, që jeta e njeriut duhet respektuar. Babai kishte kaluar më 1985 një infarkt dhe më tha se para se të vdiste donte të kthehej në Shqipëri. Kujtoj se i kërkuam leje ambasadorit shqiptar në Romë, Bashkim Dino, që të udhëtonim në Shqipëri. Ai më tha pas gjashtë muajsh. Unë i thashë se mbas gjashtë muajsh nuk pret koha dhe se udhëtimin duhet ta bëjmë tani. Më tha që nesër do t’ju marr në telefon. Ambasadori më mori në telefon të nesërmen dhe më tha që mund ta bëni këtë udhëtim. Shkuam në Janinë, pastaj në Kakavijë ku më pritën disa përfaqësues të Qeverisë së kohës. Kështu kemi hyrë për herë të parë në Shqipëri. Është një vend që më mallëngjeu menjëherë”, thotë ai. “Gjëja më ë bukur ishte se im atë, orë pas orë, dite pas dite të qëndrimit tonë filloi të merrte forca… Të shikoje se si ringjallej një babë, është mrekullia më e bukur që mund t’i ndodhë një fëmije. Pra, Shqipërinë e lidh me faktin që im atë u ringjall kur vizitoi këtë vend dhe si me një mrekulli iu zhdukën simptomat e infarktit”. /Shqiptarja
https://youtu.be/ZnTpSEC9lh8
