Prokurorja Elisabeta Imeraj, e cila ndiqte çështjen “Shullazi” me urdhër të Prokurores së Përgjithshme të përkohshme Arta Marku, në muajin gusht të vitit 2018, u komandua në krye të Prokurorisë së Tiranës.
Kjo lëvizje u bë në kohën që çështja Shullazi ishte drejt përfundimit. Kishte mbetur për t’u dhënë vetëm pretenca e prokurorëve.
Në fakt çështja kishte dhe një prokuror të dytë, por ky i fundit ishte “arratisur”.
Në këtë mënyrë çështja kishte mbetur pa prokuror.
Ndërkohë që tek Krimet e Rënda shpërtheu sherri mes prokurorëve dhe shefes së tyre Donika Prela, prokurori i dytë i çështjes “Shullazi” Ened Nakuçi, u tha se kishte marrë një leje gjashtëmujore për arsye shëndetësore.
Në media u raportua se administrata e Krimeve të Rënda ishte munduar të lidhet në telefon me prokurorin Nakuçi , por ai rezultonte me telefona të fikur.
Ky veprim i tij u kushtoi internimin tre prokurorëve , të cilët bashkë me shtatë kolegë të tjerë u vunë edhe nën hetim disiplinor.
Pas degradimit të situatës, u zgjidh përfaqësimi i çështjes “Shullazi” në Gjykatë.
Mirëpo, i njëjti prokuror, që është Ened Nakuçi sërish ka në duar një çështje të rëndë dhe të ndjeshme si ajo e Shullazit.
Nakuçi është prokurori që ka në dorë të ashtuquajturin “Eskobar të Ballkanit”, Klement Balilin.
Nuk dihet nëse sërish Nakuçi do të sëmuret dhe do të “arratiset, njësoj si në rastin e mëparshëm.
Eneid Nakuçi është pjesë e sistemit të drejtësisë që prej vitit 2003./CNA.al
